28 கட்சிகளுடன் மெகா கூட்டணியாக வலம் வரும் பாரதிய ஜனதா

டெல்லி: லோக்சபா தேர்தலில் 28 கட்சிகளை இணைத்துக் கொண்டு மெகா கூட்டணியாக வலம் வருகிறது பாரதிய ஜனதா.

பாரதிய ஜனதாவின் பிரதமர் வேட்பாளராக நரேந்திர மோடி முன்னிறுத்தப்பட்டதால் அதன் கூட்டணியில் பல ஆண்டுகாலம் நீடித்து வந்த ஐக்கிய ஜனதா தளம் விலகியது. அப்போது பாரதிய ஜனதா தலைமையிலான தேசிய ஜனநாயகக் கூட்டணி உடைந்துவிட்டதாக கூறப்பட்டது.

ஆனால் தற்போது சிறிய கட்சிகள், பெரிய கட்சிகள் என பல கட்சிகள் இணைந்துள்ளன. அதன் கூட்டணி கட்சிகளின் பலம் 28 ஆக உயர்ந்துள்ளது. தேசிய ஜனநாயக கூட்டணி கட்சிகள் 543 தொகுதிகளிலும் போட்டியிடுகின்றன. 415 தொகுதிகளில் பாரதிய ஜனதா கட்சி தனது வேட்பாளர்களை அறிவித்துள்ளது.

சிரோமணி அகாலிதளம், சிவசேனா, தெலுங்கு தேசம், லோக் ஜனசக்தி கட்சி, ஆர்.பி.ஐ, லோக் ஜனசக்தி, ராஷ்ட்ரிய லோக் சமந்தா கட்சி, மதிமுக, பா.ம.க, தேமுதிக, கொங்கு தே.ம.க., ஐ.ஜே.கே., ராஷ்ட்ரிய சமாஜ் பக்ஸ் (மகாராஷ்டிரா), சுவாபிமன் பக்ஸ் (மகாராஷ்டிரா) அகில இந்திய என்.ஆர்.காங்கிரஸ், ஜன சேனா கட்சி, ஹரியானா ஜன்ஹித் காங்கிரஸ், அப்னா தளம், தேசிய மக்கள் கட்சி (மேகாலயா), நாகா மக்கள் முன்னணி, ஐக்கிய ஜனநாயக முன்னணி (மிசோரம்), கூர்க்கா ஜன் முக்தி மோர்சா, மகாராஷ்டிரா கோமந்தக் கட்சி, புதிய நீதிக்கட்சி, வடகிழக்கு மண்டல அரசியல் முன்னணி மற்றும் தேசிய மக்கள் கட்சி ஆகியவைதான் பாஜகவின் பங்காளி கட்சிகள்!

English summary

The Bharatiya Janata Party (BJP) claims the National Democratic Alliance (NDA) now has 28 parties under its fold. However, the boast conceals how a majority of the parties that have joined the alliance are electorally insignificant.