பீகாரில் ஐக்கிய ஜனதா தளத்துக்கு படுதோல்வி- உ.பி.யில் பாஜகவுக்கு 51 இடங்கள்: என்.டி.டி.வி.

டெல்லி: பீகாரில் முதல்வர் நிதிஷ்குமார் தலைமையிலான ஆளும் ஐக்கிய ஜனதா தளம் லோக்சபா தேர்தலில் படுதோல்வியை சந்திக்கும் என்கிறது என்.டி.டி.வி. கருத்து கணிப்பு. மேலும் உத்தரப்பிரதேசத்தில் 51 இடங்களை பாஜக கைப்பற்றும் என்கிறது அக்கணிப்பு.

லோக்சபா தேர்தல் முடிவுகள் எப்படி இருக்கும் என்பது தொடர்பான கருத்து கணிப்புகளை என்.டி.டி.வி. நேற்று இரவு வெளியிட்டது. தேசிய அளவில் பாஜக அணியே ஆட்சி அமைக்கும் என்கிறது அக்கணிப்பு. தமிழகத்தில் அதிமுக அதிக இடங்களைக் கைப்பற்றும் என்றும் கூறுகிறது அது.

நாட்டிலேயே அதிக லோக்சபா தொகுதிகளைக் கொண்ட உத்தரப்பிரதேச மாநிலத்தில் பாஜக பெரும்பான்மை இடங்களைக் கைப்பற்றும் என்கிறது இக்கணிப்பு

உ.பி.யில் பாஜக அமோகம்

80 தொகுதிகளைக் கொண்ட நாட்டின் மிகப் பெரிய மாநிலமான உத்தரப்பிரதேசத்தில் 51 தொகுதிகளை பாரதிய ஜனதா கைப்பற்றும். சமாஜ்வாடி கட்சிக்கு 14, பகுஜன் சமாஜ் கட்சிக்கு 10, காங்கிரஸ் கட்சிக்கு 5 இடங்கள் கிடைக்கும்.

பீகாரில் நிதிஷூக்கு செம அடி

40 தொகுதிகளைக் கொண்ட பீகாரில் பாஜக-24; ராஷ்டிரிய ஜனதா தளம் -12; ஐக்கிய ஜனதா தளத்துக்கு 4 இடங்கள் கிடைக்குமாம். கடந்த தேர்தலில் ஐக்கிய ஜனதா தளம் 20 இடங்களைக் கைப்பற்றியிருந்தது.

மத்திய பிரதேசத்தில் பாஜக

மத்திய பிரதேசத்தில் 29 தொகுதிகள் உள்ளன. இங்கு 26-ல் பாஜக ; காங்கிரஸ் 3 இடங்களில் வெல்லும்.

குஜராத்திலும் பாஜக

26 தொகுதிகளைக் கொண்ட குஜராத்தில் பாஜக 22 தொகுதிகளையும் காங்கிரஸ் 4-ல் மட்டும் வெல்லும்.

ராஜஸ்தானில் பாஜக ஸ்வீப்

25 தொகுதிகளைக் கொண்ட ராஜஸ்தானில் 21 தொகுதிகளை பாஜக கைப்பற்றிவிடுமாம். காங்கிரஸ் கட்சிக்கு 3தான் கிடைக்குமாம்.

பஞ்சாபில் பலே போட்டி

13 தொகுதிகளைக் கொண்ட பஞ்சாப் மாநிலத்தில் சிரோமணி அகாலிதளம், பாஜக அணிக்கு 7 தொகுதிகளும் காங்கிரஸூக்கு 6 இடங்களும் கிடைக்குமாம்.

ஹரியானாவில் பாஜக ஸ்வீப்

10 தொகுதிகளைக் கொண்ட ஹரியானாவில் 6 இடங்களை பாஜக கைப்பற்ற, காங்கிரஸ், இந்திய தேசிய லோக் தள் கட்சிக்கு தலா 2 தொகுதிகள் கிடைக்கும்.

டெல்லியில் காங்கிரஸுக்கு முட்டை

7 தொகுதிகளைக் கொண்ட டெல்லியில் பாஜக 6, ஆம் ஆத்மி 1 இடத்தில் வெல்லும். காங்கிரஸுக்கு ஒரு இடம் கூட கிடைக்காது.

English summary

NDTV's opinion poll for Bihar shows that Chief Minister Nitish Kumar is set to pay a huge price for his decision to break up with the BJP. The BJP and its allies are expected to win 24 of the state's 40 seats, a gain of 12 since the last election in 2009. Mr Kumar's Janata Dal United, which had won 20 seats in 2009, is likely to see its tally crash to four, a steep drop by 16 seats.