நெருப்புடா... இது வி.எஸ். அச்சுதானந்தனின் கபாலி வெர்சன்

By Mayura Akilan

Published: Wednesday, May 4, 2016, 15:57 [IST]

Subscribe to Oneindia Tamil

திருவனந்தபுரம்: முன்னாள் முதல்வரும் மார்க்சிஸ்ட் கம்யூனிஸ்ட் கட்சியின் மூத்த தலைவருமான வி.எஸ்.அச்சுதானந்தனை கபாலி ரஜினிகாந்தாக சித்தரித்து டீசர் ஒன்றை உருவாக்கி சமூக வலைதளத்தில் சிலர் வெளியிட்டுள்ளனர். இந்த வீடியோ தற்போது வைரலாகி வருகிறது.

ரஜினி நடித்த கபாலி படத்தின் டீசர், வெளியான 3 தினங்களில் 1 கோடி பார்வையாளர்களை கடந்துள்ளது.

'மெட்ராஸ்' புகழ் இயக்குனர் பா.ரஞ்சித் இயக்கத்தில் உருவாகியுள்ள 'சூப்பர்ஸ்டாரின் 'கபாலி' பட டீசர் கடந்த மே 1 ஆம் தேதி காலை 11மணிக்கு வெளியானது. வெளியான முதல் நாளிலேயே 5லட்சம் பார்வையாளர்களை கடந்து,

இதுவரை டாப் டிரெண்டிங்கில் முன்னிலை வகித்த தில்வாலே, சுல்தான், தெறி, படங்களின் சாதனையை முறியடித்து 'கபாலி' டீசர் இந்திய அளவில் டிரெண்டானது.

இந்நிலையில் முன்னாள் முதல்வரும் மார்க்சிஸ்ட் கம்யூனிஸ்ட் கட்சியின் மூத்த தலைவருமான வி.எஸ்.அச்சுதானந்தனை கபாலி ரஜினிகாந்தாக சித்தரித்து டீசர் ஒன்றை உருவாக்கி சமூக வலைதளத்தில் சிலர் வெளியிட்டுள்ளனர்.

கேரளாவில் சட்டசபை தேர்தல் பிரச்சாரம் பரபரப்பை கிளப்பி வரும் நிலையில் உம்மன் சாண்டிக்கு சவால் விடும் வகையில் உள்ளது இந்த அச்சுதானந்தன் வெர்சன் டீசர்.

Published On May 4, 2016