பாஜகவுக்கு மீண்டும் திரும்பப் போவதில்லை.. மோடிக்கு மட்டுமே ஆதரவு: எதியூரப்பா

By Mathi

Published: Friday, October 18, 2013, 9:46 [IST]

Subscribe to Oneindia Tamil

பெங்களூர்: பாரதிய ஜனதா கட்சியில் மீண்டும் தாம் இணையப் போவதில்லை என்று கர்நாடக ஜனதா கட்சித் தலைவர் எதியூரப்பா திட்டவட்டமாகத் தெரிவித்துள்ளார்.

பாரதிய ஜனதாவில் இருந்து வெளியேறிய எதியூரப்பா கர்நாடக ஜனதா கட்சியை தொடங்கினார். ஆனால் பாஜகவின் பிரதமர் வேட்பாளராக குஜராத் முதல்வர் நரேந்திர மோடி அறிவிக்கப்பட்ட நிலையில் அவர் மீண்டும் பாஜகவுக்கு திரும்புவார் என்றும் கூறப்பட்டது.

இது தொடர்பாக தமது கட்சியினருடனும் எதியூரப்பா ஆலோசனை நடத்தினார். தமது கட்சி பாஜக தலைமையிலான தேசிய ஜனநாயகக் கூட்டணியில் இடம் பெறும் என்றும் அறிவித்தார்.

இந்நிலையில் ஹூப்ளியில் கட்சி நிர்வாகிகளுடன் ஆலோசனை நடத்திய எதியூரப்பா, தாம் பாஜகவில் மீண்டும் இணையப் போவதில்லை என்று திட்டவட்டமாக தெரிவித்துள்ளார். மேலும் வரும் லோக்சபா தேர்தலில் 10 தொகுதிகளில் கர்நாடக ஜனதா கட்சி போட்டியிடும் என்றும் அவர் அறிவித்துள்ளார். அதே நேரத்தில் பாஜவின் பிரதமர் வேட்பாளர் நரேந்திர மோடியை தமது கட்சி ஆதரிக்கும் என்றும் எதியூரப்பா கூறியுள்ளார்.

Published On October 18, 2013