சொந்தமாக கார் - வீடு இல்லை... ராகுல் காந்தியின் மொத்த சொத்து மதிப்பு எவ்வளவு தெரியுமா? ஆச்சரியம்

வயநாடு: வரும் லோக்சபா கேரளாவின் வயநாடு தொகுதியில் ராகுல் காந்தி மீண்டும் காங்கிரஸ் வேட்பாளராக போட்டியிட இன்று வேட்புமனு தாக்கல் செய்தார். இந்நிலையில் தான் ராகுல் காந்தியின் வேட்புமனு மூலம் அவரது சொத்து மதிப்பு பற்றிய விவரம் வெளியாகி உள்ளது. கோடீஸ்வரராக உள்ள ராகுல் காந்தியிடம் சொந்தமாக கார் மற்றும் வீடு இல்லை என்பது அனைவருக்கும் ஆச்சரியத்தை ஏற்படுத்தி உள்ளது.

கடந்த 2019ல் நடந்த தேர்தலில் கேரளா மாநிலம் வயநாடு தொகுதியில் ராகுல் காந்தி போட்டியிட்டு வெற்றி பெற்றார். வரும் லோக்சபா தேர்தலிலும் ராகுல் காந்தி மீண்டும் வயநாடு தொகுதியிலேயே போட்டியிடுகிறார்.

கேரளாவில் மொத்தம் 20 லோக்சபா தொகுதி உள்ளது. இதற்கு ஒரே கட்டமாக ஏப்ரல் 26ம் தேதி தேர்தல் நடைபெற உள்ளது. இந்நிலையில் தான் ராகுல் காந்தி வயநாடு தொகுதியில் காங்கிரஸ் வேட்பாளராக இன்று வேட்பு மனு தாக்கல் செய்தார். தங்கை பிரியங்கா காந்தி மற்றும் கட்சியின் மூத்த நிர்வாகிகளுடன் ராகுல் காந்தி இன்று வேட்பு மனு தாக்கல் செய்தார்.

இந்நிலையில் தான் ராகுல் காந்தி தனது வேட்புமனுவில் சொத்து விவரங்கள் குறித்த பிரமாண பத்திரத்தை தாக்கல் செய்துள்ளார். இதன்மூலம் ராகுல் காந்தியின் மொத்த சொத்து மதிப்பு என்ன? என்பது தெரியவந்துள்ளது. அதன்படி ராகுல் காந்தி தாக்கல் செய்துள்ள தனது பிரமாண பத்திரத்தில் கையில் ரூ.55 ஆயிரம் ரொக்கம் இருப்பதாக தெரிவித்துள்ளார். மேலும் வங்கிகளில் ரூ.26 லட்சத்து 25 ஆயிரத்து 157 சேமித்து வைக்கப்பட்டுள்ளதாக தெரிவித்துள்ளார்.

இதுதவிர பங்கு சந்தையில் ரூ.4 கோடியே 33 லட்சத்து 60 ஆயிரத்து 519 உள்ளதாகவும், Mutual fund வழியாக ரூ. 3 கோடியோ 81 லட்சத்து 33 ஆயிரத்து 572 உள்ளதாகவும், தங்க பத்திரம் வழியாக ரூ.15 லட்சத்து 21 ஆயிரத்து 740ம், பிற இன்சூரன்ஸ் உள்ளிட்ட வகைகளில் ரூ.61 லட்சத்து 52 ஆயிரத்து 426 முதலீடு செய்துள்ளதாகவும் தெரிவித்துள்ளார்.

அதோடு ராகுல் காந்தியிடம் ரூ.4 லட்சத்து 20 ஆயிரத்து 850 மதிப்பிலான நகைகள் இருப்பதாக தெரிவித்துள்ளார். இதன்மூலம் மொத்தமாக ரூ.9 கோடியே 24 லட்சத்து 59 ஆயிரத்து 264 மதிப்பிலான அசையும் சொத்து ராகுல் காந்தியிடம் உள்ளதாக கூறப்பட்டுள்ளது.

மேலும் ராகுல் காந்தியிடம் ரூ.11 கோடியோ 15 லட்சத்து 2 ஆயிரத்து 598 மதிப்பிலான அசையா சொத்துகள் உள்ளன. அதன்படி மொத்தம் ராகுல் காந்தியிடம் ரூ.20 கோடியே 39 லட்சத்து 61 ஆயிரத்து 862 மதிப்பிலான சொத்து இருப்பதாக தெரிவிக்கப்பட்டுள்ளது. இவ்வளது சொத்து வைத்திருந்தாலும் கூட ராகுல் காந்தியிடம் சொந்தமாக கார் மற்றும் வீடு இல்லை என்பது குறிப்பிடத்தக்கது.

English summary

Rahul Gandhi filed his nomination today to contest again as the Congress candidate from the Wayanad constituency in Kerala. In this case, the details of Rahul Gandhi's property value have been revealed through his candidature. Everyone is surprised that Rahul Gandhi, who is a billionaire, does not have a car or a house.