மோடி அலையெல்லாம் இல்லை, ஆனால் மோடியால் பாஜக பலன் பெறும்- உமர்

Published: Monday, November 4, 2013, 16:47 [IST]

Subscribe to Oneindia Tamil

ஜம்மு: மோடி அலையெல்லாம் நாட்டில் வீசவில்லை. அதேசமயம், மோடியின் எபக்ட் உணரப்படுகிறது. அவரால் பாஜகவுக்கு பலன் கிடைக்கும் என்று ஜம்மு காஷ்மீர் முதல்வர் உமர் அப்துல்லா கூறியுள்ளார்.

இதுகுறித்து ஜம்முவில் அவர் செய்தியாளர்களிடம் பேசுகையில், மோடி அலை என்று நாட்டில் எங்குமே இல்லை. அதேசமயம், மோடி எபக்ட் காணப்படுகிறது. அதை அனைவரும் உணர்ந்துள்ளனர்.

பாஜகவுக்கு மோடியால் பலன் கிடைக்கும் என்று நம்பலாம். சராசரி வாக்காளர்களை மோடி எபக்ட் எதுவும் செய்ய முடியாது என்றாலும் கூட பாஜக தொண்டர்களுக்கு அது உற்சாகத்தைக் கொடுத்துள்ளது.

தேசிய அளவில் நாங்கள ஐக்கிய முற்போக்குக் கூட்டணியில்தான் நீடிக்கிறோம். காங்கிரஸுக்கு நம்பகமான தோழனாக நீடிக்கிறோம் என்றார் அவர்.

Published On November 4, 2013