உ.பி. பாஜக வேட்பாளர் பட்டியலில் ஒரு முஸ்லீம் கூட இல்லை

லக்னோ: வரும் நாடாளுமன்ற தேர்தலையொட்டி உத்தர பிரதேச மாநிலத்தில் பாஜக சார்பில் ஒரு முஸ்லீம் வேட்பாளர் கூட நிறுத்தப்படவில்லை.

நாடாளுமன்ற தேர்தலையொட்டி பாஜக இதுவரை 6 மாநிலங்களுக்கான வேட்பாளர் பட்டியலை வெளியிட்டுள்ளது. அதில் 80 எம்.பி.க்களை லோக்சபாவுக்கு அனுப்பும் உத்தர பிரதேச மாநிலத்தில் பாஜக சார்பில் ஒரு முஸ்லீம் வேட்பாளரை கூட நிறுத்தவில்லை. அந்த மாநிலத்தில் வாக்களிப்பவர்களில் 17 சதவீதம் பேர் முஸ்லீம்கள்.

இது குறித்து பாஜக தலைவர் ராஜ்நாத் சிங் கூறுகையில்,

ஜெயிப்பதை நாங்கள் பார்க்க வேண்டும். பிற மாநிலங்களில் முஸ்லீம்களுக்கு வாய்ப்பு கொடுத்துள்ளோம். முஸ்லீம் சகோதர, சகோதரிகள் எங்களுடன் சேர வேண்டும் என்று கோரிக்கை விடுக்கிறேன் என்றார்.

பாஜக இதுவரை வெளியிட்டுள்ள 6 மாநில வேட்பாளர்கள் பட்டியலில் வெறும் 5 முஸ்லீம்களின் பெயர்களே இடம்பெற்றுள்ளது. ஜம்மு காஷ்மீரில் 3 பேர், பீகார் மற்றும் லச்சத்தீவில் தலா ஒருவர் என்று 5 முஸ்லீம் வேட்பாளர்களே பாஜகவில் உள்ளனர். மேலும் பாஜக பட்டியலில் 2 கிறிஸ்துவர்கள் மற்றும் ஒரு புத்தமதத்தவரின் பெயர் உள்ளது என்பது குறிப்பிடத்தக்கது.

English summary

BJP has come under attack for refusing to field muslim candidates in Uttar Pradesh.