ஹாட்லைனில் இதுதான் முதல் முறை.. பிரதமர் மோடிக்கு, ஒபாமா தீபாவளி வாழ்த்து

டெல்லி: இந்திய பிரதமர் நரேந்திர மோடியை ஹாட்லைன் தொலைபேசியில் அழைத்த அமெரிக்க அதிபர் பராக் ஒபாமா அவருக்கு தீபாவளி வாழ்த்துக்களை தெரிவித்தார்.

ரஷ்யா, பிரிட்டன், சீனா நாட்டு தலைவர்களுக்கு அடுத்தபடியாக பிரதமர் மோடி அமெரிக்க அதிபருடன் எந்நேரமும் எளிதில் தொடர்பு கொண்டு பேசக் கூடிய "ஹைட்லைன்" தொலைபேசி வசதி கடந்த ஆகஸ்ட் மாதம் ஏற்பாடு செய்யப்பட்டது.

இந்நிலையில், தீபாவளி தினமான நேற்று மோடி ட்விட்டரில், கூறியதாவது: சிறிது நேரத்திற்கு முன்பு ஒபாமா தீபாவளி வாழ்த்துக்களை பரிமாறிக் கொண்டார். ஹாட்லைன் அமைந்த பிறகு, இதுதான் எங்கள் முதல் உரையாடல். துருக்கியில் நடைபெறவுள்ள ஜி-20 மாநாட்டில் நாங்கள் சந்திக்கவுள்ளோம். வெள்ளை மாளிகை தீபாவளிக்கு கொடுக்கும் முக்கியத்துவம் மகிழ்ச்சியளிக்கிறது. இவ்வாறு கூறப்பட்டுள்ளது.

English summary

US President Obama spoke to Prime Minister Narendra Modi, for the first time on the new secure ‘hotline’ between the two leaders, and “reviewed joint efforts on key areas of bilateral cooperation.”