ஓ மை காட்.. டெல்லியில் பெண் நீதிபதியிடம் 'தப்பாக நடந்த' ஓலா கார் டிரைவர் கைது
டெல்லி: பெண் நீதிபதியிடம் தவறாக நடந்து கொண்ட ஓலா நிறுன கார் டிரைவர் கைது செய்யப்பட்ட சம்பவம் டெல்லியில் பரபரப்பை ஏற்படுத்தியுள்ளது.
டெல்லி நகர திஸ் ஹசாரி கோர்ட்டில் நீதிபதியாக பணியாற்றும் அந்த பெண், கடந்த மாதம் 28ம் தேதி தனது வீட்டில் இருந்து வடக்கு டெல்லியிலுள்ள ஷாப்பிங் பகுதிக்கு ஓலா காரில் சென்றுள்ளார். பொருள் வாங்குவதற்காக காரை நிறுத்த சொல்லிவிட்டு நீதிபதி சென்ற நிலையில், தாமதமாக திரும்பி வந்ததால் டிரைவர் கடுமையான கோபத்தில் இருந்தாராம்.
நீதிபதியை பார்த்து கெட்ட வார்த்தையில் திட்டியதோடு, ஷாப்பிங் பொருட்கள் அடங்கிய பையை சாலையில் தூக்கி போட்டதாக கூறப்படுகிறது. இதுகுறித்து பெண் நீதிபதி காவல் நிலையத்தில் புகார் அளித்துள்ளார். அவரது புகாரின் பேரில் குர்கான் பகுதியை சேர்ந்த டிரைவரை போலீசார் கைது செய்துள்ளதாக இன்று தெரிவித்துள்ளனர்.
கைதான டிரைவர் மீது ஆபாச கமெண்ட் அடித்தல், பெண்ணின் மாண்பை குலைக்கும் நடவடிக்கை, பொருளை சேதப்படுத்தியது ஆகிய பிரிவுகளின்கீழ் வழக்குப்பதிவு செய்யப்பட்டுள்ளது.
Click it and Unblock the Notifications
Sign in with Google