"பெட்ரோமேக்ஸ்" லைட்டேதான் வேண்டும் என்று கேட்ட நாயுடு... ஸாரி சொன்னா ஓலா!
ஹைதராபாத்: ஹைதராபாத்தைச் சேர்ந்த ஒரு நபர் தனக்கு இந்து மதத்தைச் சேர்ந்த டிரைவர்தான் வேண்டும் என்று ஓலா டாக்சி நிறுவனத்திடம் டிவிட்டர் மூலம் கேட்க, அவருக்கு ஸாரி சொல்லி பதில் கொடுத்துள்ளதா ஓலா டாக்சி நிறுவனம்.
ஒரு மதத்தின் மீது நம்பிக்கை வைத்திருப்பது தவறில்லை. ஆனால் மற்ற மதத்தவர்களைப் புறக்கணித்து தான் சார்ந்த மதத்தை மட்டுமே பிடித்துக் கொண்டிருப்பதுதான் தவறு.
ஹைதராபாத்தைச் சேர்ந்த ஒருவர் இப்படித்தான் டிவிட்டரில் ஒரு சர்ச்சையைக் கிளப்பியுள்ளார். அதை ஓலா கேப்ஸ் நிறுவனம் சாதுரியமாக சமாளித்துள்ளது.
ஹைதராபாத்தைச் சேர்ந்த சீலம் வீரப்ப நாயுடு என்பவர் டிவிட்டரில், இப்படி ஒரு செய்தி போட்டிருந்தார்.. அதில், ஓலேகேப்ஸ், நான் ஒரு இந்து. எனவே எனக்கு இந்து மதத்தைச் சேர்ந்த டிரைவர் கார் ஓட்டுவதைத்தான் விரும்புகிறேன். குறிப்பாக ஹைதராபாத்தில். அப்படிப்பட்ட வாய்ப்பு எனக்குக் கிடைக்குமா என்று கேட்டிருந்தார்.
அதற்கு ஓலாகேப்ஸ் போட்ட பதில் இது...சீலம் வீரப்ப நாயுடு, ஸாரி, நாங்கள் எங்களது டிரைவர்களிடம், மத ரீதியாக பாகுபாடு காட்டுவதில்லை என்று போட்டிருந்தது.
எங்கே இருந்துதான் இப்படியாப்பட்டவர்கள் எல்லாம் கிளம்பி வருவார்களோ...!
Click it and Unblock the Notifications
Sign in with Google