For Quick Alerts
For Daily Alerts
Just In
டெல்லி வந்த ஓமன் விமானத்தின் டயர்கள் வெடித்தன: அதிர்ஷ்டவசமாக உயிர் பிழைத்த பயணிகள்
டெல்லி: மஸ்கட்டில் இருந்து 150 பயணிகளுடன் டெல்லி வந்த ஓமன் நாட்டைச் சேர்ந்த விமானம் தரையிறங்கும்போது அதன் டயர்கள் வெடித்தது.
ஓமன் நாட்டைச் சேர்ந்த விமானம் டபுள்யூ.ஒய். 241 மஸ்கட்டில் இருந்து டெல்லிக்கு கிளம்பியது. விமானத்தில் 150 பேர் பயணம் செய்தனர். விமானம் இன்று காலை 6 மணி அளவில் டெல்லியில் உள்ள இந்திரா காந்தி சர்வதேச விமான நிலையத்தில் தரையிறங்க முயன்றது.
அப்போது விமானத்தின் டயர்கள் இரண்டு வெடித்தது. டயர்கள் வெடித்ததால் பயணிகள் பீதியடைந்து அலறினர். விமானி திறமையாக செயல்பட்டு விமானத்தை தரையிறக்கினார்.
இந்த சம்பவத்தில் விமானத்தில் இருந்த 150 பேரும் அதிர்ஷ்டவசமாக உயிர் பிழைத்தனர். விமானம் தரையிறங்கியதும் பயணிகள் அனைவரும் அவசர அவசரமாக இறக்கிவிடப்பட்டனர்.
இந்த சம்பவம் குறித்து ஓமன் விமான நிறுவன அதிகாரிகள் விளக்கம் அளிக்கவில்லை.
Comments
English summary
An Oman Air flight from Muscat, carrying 150 passengers, suffered a tyre burst at landing at the international airport in Delhi today. All the passengers are safe, IGIA airport sources said.