வெங்காய விலை 10 நாளில் குறைந்துவிடும், யாரும் பயப்படாதீங்க: மத்திய அமைச்சர் கே.வி. தாமஸ்

டெல்லி: வெங்காய விலை அடுத்த 10 நாட்களில் குறைந்துவிடும் என்று மத்திய உணவுத் துறை அமைச்சர் கே.வி. தாமஸ் தெரிவித்துள்ளார்.

நாட்டின் பெரும்பாலான பகுதிகளில் வெங்காயத்தின் விலை அதிகரித்துள்ளது. ஒரு கிலோ வெங்காயம் ரூ.70 முதல் ரூ.80 வரை விற்பனை செய்யப்படுகிறது. டெல்லி, பாட்னா, ஜம்மு ஆகிய இடங்களில் ஒரு கிலோ வெங்காயத்தின் விலை ரூ.100 ஆகும்.

இந்நிலையில் இது குறித்து மத்திய உணவுத் துறை அமைச்சர் கே.வி. தாமஸ் கூறுகையில்,

இறக்குமதி

வெங்காய விலை உயர்வை நினைத்து யாரும் பதட்டப்பட வேண்டாம். வெங்காய இறக்குமதி குறித்த டென்டர் வரும் 29ம் தேதி பரிசீலிக்கப்படுகிறது. இதையடுத்து 3 முதல் 4 நாட்களில் வெங்காயம் இறக்குமதியாகும் என்றார் தாமஸ்.

விலை குறையும்

அடுத்த 10 நாட்களில் வெங்காய விலை குறைந்துவிடும். வியாபாரிகள் வாடிக்கையாளர்களிடம் அதிக பணம் வாங்கக் கூடாது. விவசாயிகளுக்கு நியாயமான விலை வழங்க வேண்டும். வாடிக்கையாளர்களுக்கும் நியாய விலையில் விற்க வேண்டும் என்று தாமஸ் தெரிவித்தார்.

விளைச்சல் நல்லா இருக்கு

கடந்த ஆண்டுடன் ஒப்பிடுகையில் வெங்காய விளைச்சல் இந்த ஆண்டு சிறப்பாக உள்ளது. அப்படி இருந்தும் விலை அதிகமாக உள்ளது என்று தாமஸ் கூறினார்.

சேமித்து வைக்க வேண்டும்

வெங்காயம், தக்காளி, உருளைக்கிழங்கு போன்ற காய்கறிகள் நிறைய கிடைக்கும் காலமும் உண்டு, தட்டுப்பாடு ஏற்படும் காலமும் உண்டு. அதனால் காய்கறிகள் நிறைய கிடைக்கும்போதே அவற்றை குடனோகளில் பத்திரப்படுத்தி வைக்க வேண்டும் என்றார் தாமஸ்.

English summary

Food Minister K V Thomas today said onion prices will come down in the next 10 days with the fresh arrival of domestic and imported stock, while asking the traders not to "loot" consumers by charging more.