சானியா மிர்சாவை நேரில் வாழ்த்திய ஏ ஆர் ரஹ்மான்!
டென்னிஸ் மகளிர் இரட்டையர் பிரிவில் முதலிடத்துக்கு முன்னேறியுள்ள சானியா மிர்சாவுக்கு நேரில் வாழ்த்து தெரிவித்துள்ளார் இசையமைப்பாளர் ஏ ஆர் ரஹ்மான்.
டென்னிஸ் உலகில் தொடர் வெற்றிகளைக் குவித்து வருகிறது சானியா மிர்சா-மார்டினா ஹிங்கிஸ் ஜோடி.
அமெரிக்காவின் சார்லஸ்டன் நகரில் நடைபெற்ற டபுள்யூ.டி.ஏ. ஃபேமிலி சர்க்கிள் கோப்பை டென்னிஸ் போட்டியில் சமீபத்தில் இந்த ஜோடி சாம்பியன்ஷிப் பட்டம் வென்றது. இதையடுத்து, சர்வதேச மகளிர் இரட்டையர் தரவரிசையில் சானியா முதல் இடத்துக்கு முன்னேறினார்.
இந்திய வீராங்கனை ஒருவர் தரவரிசையில் முதலிடம் பிடிப்பது இதுவே முதல் முறை என்பதால் சானியாவுக்கு பாராட்டுக்களும், வாழ்த்துக்களும் குவிந்த வண்ணம் உள்ளன.
இந்நிலையில், மணிரத்தினம் இயக்கத்தில் வெளியாகவுள்ள ஓ கே கண்மணி படத்தின் தெலுங்கு பதிப்பு அறிமுக விழாவில் கலந்து கொள்வதற்காக ஹைதராபாத் நகருக்கு வந்திருந்த இசைப்புயல் ஏ.ஆர்.ரஹ்மான், சானியா மிர்சாவின் வீட்டிற்கு நேரில் சென்றார். டென்னிஸ் தரவரிசையில் முதலிடம் பிடித்த இந்தியாவின் முதல் வீராங்கனை என்ற அரிய சாதனை படைத்ததற்காக சானியாவைப் பாராட்டி வாழ்த்து தெரிவித்தார்.
மிகவும் மகிழ்ச்சியடைந்த சானியா, ரஹ்மானின் வாழ்த்துக்கு நன்றி தெரிவித்தார். இதனை தனது ட்விட்டர் பக்கத்திலும் பகிர்ந்துள்ளார் சானியா.
Click it and Unblock the Notifications
Sign in with Google