நம்ம பிரதமர் எடப்பாடி பழனிச்சாமி.. டக்குன்னு சொல்லுங்க பார்ப்போம்.. யார் இப்படி பேசினார்னு!

தமிழக முதல்வர் எடப்பாடி பழனிச்சாமியை பிரதமர் என்று அதிமுக ராஜ்ய சபா எம்.பி நவநீதகிருஷ்ணன், கூறியுள்ளார்.

டெல்லி: தமிழக முதல்வர் எடப்பாடி பழனிச்சாமியை பிரதமர் என்று அதிமுக ராஜ்ய சபா எம்.பி நவநீதகிருஷ்ணன், கூறியுள்ளார்.

அதிமுக கட்சியினர் அடிக்கடி வாய் குளறி ஏதாவது தவறாக பேசி மாட்டிக்கொள்வது உண்டு. தமிழக முதல்வர் எடப்பாடி பழனிச்சாமி கூட, சேக்கிழார் எழுதிய கம்பராமாயணத்தை உலகிற்கு அறிமுகப்படுத்தி வாங்கி கட்டிக்கொண்டார். எதிர்க்கட்சி தலைவர் ஸ்டாலினும் கூட பழமொழியை தவறாக பேசி கஷ்டப்பட்டு இருக்கிறார்.

இந்த நிலையில் புது வரவாக அதிமுக ராஜ்ய சபா எம்.பி நவநீதகிருஷ்ணன் அந்த வரிசையில் இணைந்து இருக்கிறார். ராஜ்யசபாவில் அவர் நேற்று உளறிக் கொட்டியுள்ளார்.

நேற்று பேசிய அவர், மாண்புமிகு பிரதமர் எடப்பாடி பழனிச்சாமியின் திட்டம் என்று கூறி பேசினார். முதல்வர் என்பதற்கு பதில் பிரதமர் என்று கூறிவிட்டார்.

இந்த நிலையில் அவை உறுப்பினர்கள், முதல்வர் என்று அவரை திருத்தினார்கள். பின் அவர் முதல்வர் என்று மாற்றி கூறினார்.

English summary

ADMK MP Navaneethakrishnan confused while speaking in Rajya Sabha, says that Our PM Palanisamy, instead of CM Palanisamy.