விடாத பாகிஸ்தான்.. எல்லையில் மீண்டும் அத்துமீறல்.. இந்தியா உடனுக்குடன் பதிலடி.. போர் வருகிறது?
ஸ்ரீநகர்: 11வது நாளாக ஜம்மு காஷ்மீர் எல்லையில் பாகிஸ்தான் தாக்குதல் நடத்தி உள்ளது. பாகிஸ்தான் ராணுவ நிலைகள் எந்தவித தூண்டுதலும் இல்லாமல் தாக்குதல் நடத்தி உள்ளது,
சிறிய ஆயுதங்களால் பாகிஸ்தான் ராணுவத்தினர் தாக்குதல் நடத்தினர். இதற்கு இந்திய ராணுவம் உடனடியாக பதிலளித்தது.
ஜம்மு-காஷ்மீரில் குப்வாரா, பாரமுல்லா, பூஞ்ச், ராஜௌரி, மெந்தர், நௌஷேரா, சுந்தர்பானி மற்றும் அக்னூர் ஆகிய பகுதிகளில் தாக்குதல் நடத்தப்பட்டது. நேற்று விமானப்படை தளபதி உடன் பிரதமர் மோடி சந்திப்பு நடத்திய அதே வேளையில் இந்தியா மீது பாகிஸ்தான் எல்லையில் மீண்டும் தாக்குதல் நடத்தி உள்ளது.
கடந்த 11 நாட்களில் 14வது முறையாக பாகிஸ்தான் எல்லையில் இப்படி தாக்குதல் நடத்தி உள்ளது. நேற்று பிரதமர் நரேந்திர மோடி இந்திய விமானப்படைத் தளபதி அமர் ப்ரீத் சிங்குடன் பேச்சுவார்த்தை நடத்தினார்.
லோக் கல்யாண் மார்க்கில் உள்ள பிரதமரின் அதிகாரப்பூர்வ இல்லத்தில் அவர்கள் பேச்சுவார்த்தை நடத்தினர். அங்கு அவர்கள் 45 நிமிடங்கள் பேச்சுவார்த்தை நடத்தினர். முன்னதாக பிரதமர் மோடி கடற்படைத் தளபதி மற்றும் ராணுவத் தளபதியுடன் தனிப்பட்ட சந்திப்புகளை நடத்திய பிறகு இந்த சந்திப்பு நடந்தது. விமானப்படை தளபதி உடன் பிரதமர் மோடி சந்திப்பு நடத்திய அதே வேளையில் இந்தியா மீது பாகிஸ்தான் எல்லையில் மீண்டும் தாக்குதல் நடத்தி உள்ளது.
பாகிஸ்தான் அட்டாக்
ஜம்மு காஷ்மீரின் குப்வாரா, பாரமுல்லா, பூஞ்ச், நௌஷேரா மற்றும் அக்னூர் பகுதிகளுக்கு எதிரே உள்ள நிலைகளில் இருந்து சிறிய ரக துப்பாக்கிச் சூடுகள் நடத்தப்பட்டன. 740 கிலோமீட்டர் நீளமுள்ள இந்த எல்லையில் நடந்த துப்பாக்கிச் சூட்டுக்கு இந்திய ராணுவம் உடனுக்குடன் பதிலளித்தது.
ஏப்ரல் 24 ஆம் தேதி இரவு முதல் இந்த துப்பாக்கி சூடு நடந்து வருகிறது. சிந்து நீர் ஒப்பந்தத்தை இந்தியா இடைநிறுத்திய சில மணி நேரங்களுக்குப் பிறகு, ஜம்மு காஷ்மீரில் உள்ள கட்டுப்பாட்டுக் கோட்டில் உள்ள பல்வேறு இடங்களில் பாகிஸ்தான் துருப்புக்கள் தூண்டுதலின்றி துப்பாக்கிச் சூடு நடத்தி வருகின்றன.
எல்லையில் மோதல்
இதன் மூலம் 11வது நாளாக பாகிஸ்தான் எல்லையில் தாக்குதல் நடத்தி உள்ளது. இரவு முழுவதும் எல்லைக் கட்டுப்பாட்டுக் கோட்டில் பாகிஸ்தான் ராணுவம் போர் நிறுத்த ஒப்பந்தத்தை மீறி, எந்தவித தூண்டுதலும் இல்லாமல் துப்பாக்கிச் சூடு நடத்தியது. தற்போது பிற்பகலில் தாக்குதல் நடத்தி வருகிறது.
ஜம்மு காஷ்மீரின் குப்வாரா, பாரமுல்லா, பூஞ்ச், நௌஷேரா மற்றும் அக்னூர் பகுதிகளுக்கு எதிரே உள்ள நிலைகளில் இருந்து சிறிய ரக துப்பாக்கிச் சூடுகள் நடத்தப்பட்டன. 740 கிலோமீட்டர் நீளமுள்ள நடைமுறை எல்லையில் நடந்த துப்பாக்கிச் சூட்டுக்கு இந்திய ராணுவம் பதிலளித்தது.
ஏப்ரல் 22 அன்று பஹல்காம் தாக்குதலுக்குப் பிறகு, 26 பொதுமக்கள் கொல்லப்பட்டனர்.
ஏப்ரல் 24 ஆம் தேதி இரவு முதல், சிந்து நீர் ஒப்பந்தத்தை இந்தியா இடைநிறுத்திய சில மணி நேரங்களுக்குப் பிறகு, ஜம்மு காஷ்மீரில் உள்ள கட்டுப்பாட்டுக் கோட்டில் உள்ள பல்வேறு இடங்களில் பாகிஸ்தான் துருப்புக்கள் தூண்டுதலின்றி துப்பாக்கிச் சூடு நடத்தி வருகின்றன.
செவ்வாய்க்கிழமை, இஸ்லாமாபாத் ஜம்மு மாவட்டத்தில் உள்ள சர்வதேச எல்லையில் உள்ள பர்க்வால் பகுதிக்கு துப்பாக்கிச் சூட்டை விரிவுபடுத்தியது.
அதே நாளில், இந்தியா மற்றும் பாகிஸ்தானின் இராணுவ நடவடிக்கைகளுக்கான இயக்குநர்கள் (DGMOக்கள்) ஹாட்லைன் மூலம் பேசினர். தூண்டுதலற்ற துப்பாக்கிச் சூடுகளுக்கு எதிராக பாகிஸ்தான் இராணுவத்திற்கு எச்சரிக்கை விடுக்கப்பட்டுள்ளதாக, DGMO பேச்சுவார்த்தைகளை நன்கு அறிந்தவர்கள் PTI இடம் தெரிவித்தனர்.
மோடி தந்த பவர்
தீவிரவாதத்திற்கு அழிவு தரும் அடியை கொடுக்க உங்களுக்கு அதிகாரம் உள்ளது. இதற்கான முழு அதிகாரத்தை உங்களுக்கு தருகிறோம். இந்திய ஆயுதப் படைகளின் திறன்களில் எனக்கு முழு நம்பிக்கை உள்ளது. உங்களுக்கு ராணுவ தாக்குதல் திட்டமிடலில் முழு அதிகாரம், சுதந்திரத்தை தருகிறோம் என்று பிரதமர் மோடி உத்தரவிட்டு உள்ளார்.
பாகிஸ்தான் பாதுகாப்பு அமைச்சர் கவாஜா முஹம்மது ஆசிப் அளித்த பேட்டியில், பாகிஸ்தான் மீது இந்தியா உடனடியாக பதிலடி தாக்குதல் நடத்த வாய்ப்புகள் உள்ளன. பாகிஸ்தான் படைகளை தயாராக இருக்க சொல்லி இருக்கிறேன். இந்தியா எப்போது வேண்டுமானாலும் தாக்கலாம் என்பதால் எங்கள் படைகளை பலப்படுத்தியுள்ளோம்.
இது போன்ற சூழ்நிலையில் சில மூலோபாய முடிவுகளை எடுக்க வேண்டும், எனவே அந்த முடிவுகள் எடுக்கப்பட்டுள்ளன. இந்தியா நம் மீது தாக்குதல் நடத்துவதற்கான சாத்தியக்கூறுகள் குறித்து பாகிஸ்தான் ராணுவம் எங்கள் நாட்டு அரசுக்கு விளக்கம் அளித்துள்ளது. இதை பற்றிய கூடுதல் விவரங்களை சொல்ல முடியாது. ஆனால் இந்திய ராணுவத்தின் தாக்குதல் ஊடுருவல் உடனடியாக நடக்க வாய்ப்புகள் உள்ளன என்று பாக். பாதுகாப்பு அமைச்சர் கவாஜா முஹம்மது ஆசிப் பேசி உள்ளார்.
Click it and Unblock the Notifications
Sign in with Google