புதிய கட்சி துவங்குகிறார் 'பவர் ஸ்டார்': பெயர் கூட தேர்வு
ஹைதராபாத்: டோலிவுட் பவர் ஸ்டார் பவன் கல்யாண் விரைவில் புதிய கட்சியை துவங்கவிருக்கிறாராம்.
தெலுங்கு திரை உலகின் முன்னணி ஹீரோவாக இருப்பவர் நடிகரும், அமைச்சருமான சிரஞ்சீவியின் தம்பி பவன் கல்யாண். அவரது ரசிகர்கள் அவரை அன்போடு பவர் ஸ்டார் என்று அழைக்கின்றனர்.
நம் நடிகர் சீனிவாசன் பவர் ஸ்டார் என்ற பட்டத்தை பயன்படுத்துவதை பார்த்து பவன் கல்யாணின் ரசிகர்கள் கொந்தளித்தனர் என்பது குறிப்பிடத்தக்கது.
அரசியல்
அண்ணன் சிரஞ்சீவி வழியில் தம்பி பவன் கல்யாணும் அரசியலுக்கு வருகிறார். சிரஞ்சீவி பிரஜ ராஜ்ஜியம் என்ற கட்சியை துவங்கி பின்னர் அதை காங்கிரஸில் இணைத்துவிட்டார்.
புதிய கட்சி
பவன் கல்யாண் புதிய கட்சி துவங்கவிருக்கிறாராம். அரசியல் குறித்த கேள்விகளுக்கு அடுத்த வாரம் பதில் கூறுவேன் என்று பவன் தெரிவித்துள்ளார்.
கட்சி பெயர்
பவன் கல்யாண் தான் துவங்கவிருக்கும் கட்சிக்கு இரண்டு பெயர்களை தேர்வு செய்து வைத்துள்ளாராம். குடியரசு கட்சி, யுவ ராஜ்ஜியம் ஆகிய இரண்டில் ஒரு பெயரை தனது கட்சிக்கு வைக்கவிருக்கிறார் பவன்.
ஆதரவு
அரசியலில் குதிக்கும் பவன் கல்யாணுக்கு சிபிஐ முன்னாள் துணை இயக்குனர் லக்ஷ்மி நாராயணா, தெலுங்கு பட இயக்குனர் திரிவிக்ரம் ஸ்ரீனிவாஸ், ஈநாடு குழும தலைவர் ராமோஜி ராவ் ஆகியோர் ஆதரவாக உள்ளனர்.
Click it and Unblock the Notifications
Sign in with Google