சுதந்திர தின பரிசு.. பெட்ரோல் லி. ரூ.1.27, டீசல் லி. ரூ.1.17 குறைப்பு.. நள்ளிரவு முதல் அமல்
டெல்லி : நாட்டு மக்களுக்கு சுதந்திர தின பரிசாக பெட்ரோல், டீசல் விலை குறைக்கப்பட்டுள்ளது. விலைக் குறைப்பு நள்ளிரவு முதல் அமலாகிறது.
அதன்படி பெட்ரோல் லிட்டருக்கு ரூ.1.27 -ம், டீசல் விலை லிட்டருக்கு ரூ.1.17 ம் குறைக்கப்பட்டுள்ளது.
டாலருக்கு நிகரான இந்திய ரூபாயின் மதிப்பு கடந்த 2 ஆண்டுகளில் இல்லாத அளவில் குறைந்த போதிலும், இந்த விலைக் குறைப்பு அறிவிக்கப்பட்டுள்ளது.
எனினும் சர்வதேச சந்தையில் கச்சா எண்ணெய் விலை குறைந்துள்ளதாலும், உற்பத்தி அதிகரித்துள்ளதாலும், இந்தியாவில் பெட்ரோல், டீசல் விலை குறைக்கப்பட்டுள்ளது.
வரிகளைப் பொருத்து சென்னையில் ரூ.64.77 க்கு விற்கப்பட்ட ஒரு லிட்டர் பெட்ரோல் ரூ.1.28 குறைந்து ரூ.63.49 க்கு விற்பனை செய்யப்படும்.
இதே போன்று சென்னையில் ரூ.47.30 க்கு விற்பனை செய்யப்பட்ட ஒரு லிட்டர் டீசல் ரூ.1.22 குறைந்து இனி ரூ.46.08 க்கு விற்பனையாகும்.
டெல்லியில் இனி ஒரு லிட்டர் பெட்ரோல் ரூ.63.20 க்கும், டீசல் விலை லிட்டருக்கு ரூ.44.95 க்கும் விற்பனை செய்யப்படும்.