பெட்ரோல் விலை லிட்டருக்கு ரூ3.96, டீசல் விலை ரூ2.37 அதிரடி உயர்வு!!
டெல்லி: பெட்ரோல் விலை லிட்டருக்கு ரூ3.96 காசுகளும் டீசல் விலை லிட்டருக்கு ரூ2.37 காசுகளும் திடீரென உயர்த்தப்பட்டுள்ளது பொதுமக்களிடையே கடும் அதிர்ச்சியை ஏற்படுத்தியுள்ளது.
அண்மையில் இரு முறை பெட்ரோல், டீசல் விலை குறைக்கப்பட்ட நிலையில் திடீரென பெட்ரோல், டீசல் விலையை கடுமையாக உயர்த்தி எண்ணெய் நிறுவனங்கள் அறிவித்துள்ளன.
பெட்ரோலின் விலையை லிட்டருக்கு ரூ.3.96 காசுகள் உயர்த்தியும், டீசலின் விலையை லிட்டருக்கு ரூ.2.37 காசுகளை உயர்த்தியுள்ளது. இந்த விலை உயர்வு இன்று நள்ளிரவு முதல் அமலுக்கு வந்துள்ளது.
புதிய விலை உயர்வால் இனி பெட்ரோல், டீசல் விலை நிலவரம்:
சென்னையில் தற்போது ரூ61.90 காசுகளுக்கு விற்கப்படும் ஒரு லிட்டர் பெட்ரோல் விலை இனி ரூ66.08 காசுகளாகவும் டீசல் விலை ரூ50.21 காசுகளில் இருந்து 52.76 காசாகவும் உயரும்.
மும்பையில் பெட்ரோல் விலை ரூ66.96-ல் இருந்து ரூ70.84ஆகவும் கொல்கத்தாவில் ரூ66.81-ல் இருந்து ரூ70.44ஆகவும் டெல்லியில் ரூ59.02-ல் இருந்து ரூ63.16ஆகவும் அதிகரிக்கும்.
இதேபோல் டீசல் விலை மும்பையில் ரூ ரூ54.26-ல் இருந்து ரூ56.87ஆகவும் கொல்கத்தாவில் ரூ52.08-ல் இருந்து ரூ54.17ஆகவும் டெல்லியில் ரூ47.20-ல் இருந்து ரூ49.57ஆகவும் விற்பனை செய்யப்படும்.