அருமை, அட்டகாசம்: பி.கே. படம் பார்த்த சச்சின் நெகிழ்ச்சி
மும்பை: ஆமீர் கான் நடித்துள்ள பி.கே. படத்தின் சிறப்புக் காட்சியை பார்த்த முன்னாள் கிரிக்கெட் வீரர் சச்சின் டெண்டுல்கர் அசந்துபோய்விட்டார்.
ராஜ்குமார் ஹிரானி தயாரித்து இயக்கியுள்ள படம் பி.கே.. ஆமீர் கான், அனுஷ்கா சர்மா உள்ளிட்டோர் நடித்துள்ள இந்த படம் வரும் வெள்ளிக்கிழமை ரிலீஸ் ஆகிறது. இந்த பட போஸ்டருக்காகத் தான் ஆமீர் நிர்வாணமாக போஸ் கொடுத்து பெரும் பரபரப்பை ஏற்படுத்தினார்.
இந்நிலையில் மும்பையில் செவ்வாய்க்கிழமையில் நடந்த பி.கே. படத்தின் சிறப்பு காட்சியை முன்னாள் கிரிக்கெட் வீரர் சச்சின் டெண்டுல்கர் பார்த்தார். படம் பற்றி சச்சின் கூறுகையில்,
சூப்பர்ப்
பி.கே. படம் சூப்பர்ப்பாக உள்ளது. நான் கதையை யாரிடமும் தெரிவிக்க மாட்டேன் என்று ஆமீருக்கு வாக்குறுதி அளித்துள்ளேன்.
பாருங்க
அனைவரும் பி.கே. படத்தை தியேட்டருக்கு சென்று நிச்சயம் பாருங்கள் என்று நான் உங்களை கேட்டுக் கொள்கிறேன். படம் வித்தியாசமாக உள்ளது.
ஆமீர்
என்னை பொறுத்த வரை பி.கே. தான் சிறந்த படம். ஆமீர் இதுவரை இல்லாத அளவுக்கு இந்த படத்தில் அருமையாக நடித்துள்ளார்.
கதாபாத்திரம்
பி.கே. படத்தில் ஆமீர் கானின் கதாபாத்திரம் வித்தியாசமானது. வலுவான செய்தியைக் கூறும் வழக்கத்திற்கு மாறான படம். அனைவரும் கண்டிப்பாக பார்க்க வேண்டிய படம் என்றார் சச்சின்.
Click it and Unblock the Notifications
Sign in with Google