ரஷ்யா, ஜெர்மனி உள்ளிட்ட 4 நாடுகளுக்கு பறக்கத் தயாராகிறார் மோடி !
பிரதமர் மோடி வரும் 29 ஆம் தேதி முதல் வெளிநாடுகளுக்குச் சுற்றுப்பயணம் மேற்கொள்ள இருக்கிறார்.
Subscribe to Oneindia Tamil
டெல்லி: பிரதமர் நரேந்திர மோடி அரசு முறை பயணமாக வரும் 29ந் தேதி ரஷ்யா, ஜெர்மனி, ஸ்பெயின், பிரான்ஸ் ஆகிய நாடுகளுக்கு பயணம் மேற்கொள்கிறார்.
பிரதமர் மோடி அரசு முறை பயணமாக ஜெர்மனி, ஸ்பெயின், ரஷ்யா மற்றும் பிரான்ஸ் ஆகிய 4 நாடுகளுக்கு செல்ல உள்ளார். வரும் மே 29-ம் தேதி முதல் ஜூன் 3-ம் தேதி வரையில் இந்த நாடுகளுக்கு பயணம் மேற்கொள்ள உள்ளதாக பிரதமர் அலுவலக வட்டாரங்கள் தெரிவித்துள்ளன.
பிரதமரின் பயணத்தின் போது அங்குள்ள முக்கியப் பிரமுகர்களைச் சந்தித்துப் பேச உள்ளார். சந்திப்பின்போது, இரு தரப்பு உறவுகள் மற்றும் முதலீடுகள் குறித்து ஆலோசனை நடத்த உள்ளதாகக் கூறப்படுகிறது.
பிரதமர் நரேந்திர மோடி அண்மையில் இரண்டு நாள் பயணமாக இலங்கை சென்று வந்தார். மோடி இதுவரை 45 நாடுகளுக்குச் சுற்றுப்பயணம் மேற்கொண்டுள்ளது குறிப்பிடத்தக்கது.
Click it and Unblock the Notifications
Sign in with Google