பிரதமர் பதவி ஏற்று 100 நாள் சாதனை பட்டியல்... நரேந்திர மோடி வெளியிடுகிறார்!
Subscribe to Oneindia Tamil
டெல்லி: பிரதமர் நரேந்திர மோடி பதவி ஏற்று, செப்டம்பர் 5-ந் தேதியன்று, 100 நாட்கள் நிறைவடைந்து 101-வது நாள் பிறக்கிறது.
இதையொட்டி, அன்று தனது அரசின் 100 நாள் சாதனைகள் பற்றி பத்திரிகையாளர்களுடன் மோடி பேச உள்ளார். அதற்காக மிகப் பெரிய பத்திரிகையாளர் சந்திப்புக்கும் ஏற்பாடு செய்யப்பட்டுள்ளது.
அப்போது, சில முக்கிய அறிவிப்புகளையும் மோடி வெளியிடுவார் என்று மத்திய அரசு வட்டாரங்கள் தெரிவித்தன.
இதற்காக, 100 நாட்களில் செய்த பணிகளின் விவரங்களை அளிக்குமாறு அனைத்து அமைச்சகங்களையும் நரேந்திர மோடி கேட்டுள்ளார்.
அதன்படி, ஒவ்வொரு துறை அதிகாரிகளும் சாதனை அறிக்கைகளை போர்க்கால அடிப்படையில் தயாரித்து வருகின்றனர்.
முக்கியப் பிரச்சினைகளில் தனது அரசு எத்தனை துரிதமாக முடிவுகளை மேற்கொள்கிறது என்பதை மையப்படுத்தி இந்த அறிக்கைகளைத் தயாரிக்க உத்தரவிட்டுள்ளார் பிரதமர் மோடி.
Click it and Unblock the Notifications
Sign in with Google