முன்னாள் குடியரசுத்தலைவர் அப்துல்கலாம் 83வது பிறந்தநாள்: மோடி வாழ்த்து
டெல்லி: இந்திய ஏவுகணையின் திட்ட நாயகன் முன்னாள் குடியரசுத்தலைவர் டாக்டர் அப்துல்கலாம்க்கு பிரதமர் நரேந்திர மோடி பிறந்த நாள் வாழ்த்து தெரிவித்துள்ளார்.
டாக்டர் ஏ.பி.ஜே அப்துல்கலாம் 1931 ஆம் ஆண்டு, அக்டோபர் மாதம் 15 ஆம் நாள் ஜைனுலாப்தீனுக்கும், ஆஷியம்மாவுக்கும் மகனாக தமிழகத்தில் உள்ள ராமேஸ்வரத்தில் பிறந்தார். டாக்டர் அப்துல்கலாம் இன்று 83-வது பிறந்த நாள் கொண்டாடுகிறார். அவரது பிறந்தநாள் "மாணவர் தினம்" என்று அனுசரிக்கப்படுகின்றது.
டாக்டர் அப்துல்கலாமிற்கு பிரதமர் நரேந்திரமோடி பிறந்தநாள் வாழ்த்து தெரிவித்தார். வாழ்த்து செய்தியில் பிரதமர் நரேந்திரமோடிகூறியதாவது:
இந்திய ஏவுகணை திட்டத்திற்க்கு தனது பங்களிப்பை ஆற்றிய இந்திய ஏவுகணையின் திட்ட நாயகன் என்று எல்லோராலும் அழைக்கபடும் முன்னாள் ஜனாதிபதி டாக்டர் அப்துல்கலாம்க்கு பிறந்தநாள் வாழ்த்துக்களை தெரிவித்துகொள்கிறேன்.
அவர் நல்ல உடல்நலத்துடனும், நீண்ட ஆயுளுடனும் வாழ வாழ்த்துகிறேன் என்று பிரதமர் மோடி கூறினார்.
Click it and Unblock the Notifications
Sign in with Google