லாலுஜி சீக்கிரம் குணமடைய வேண்டும் - மோடி வாழ்த்து

டெல்லி: அரசியலில் எதிரிகளாக இருந்தபோதிலும், லாலு பிரசாத் யாதவ் விரைவில் குணமடைய பிரதமர் நரேந்திரமோடி வாழ்த்து தெரிவித்துள்ளார்.

ராஷ்டிரிய ஜனதாதள தலைவர் லாலு பிரசாத் யாதவுக்கு, பாஜகவின் மோடியை பார்த்தாலே ஆகாது. பாஜகவுக்கு எதிராக, பரம எதிரியான நிதிஷ்குமாருடன் கைகோர்த்து பீகார் சட்டசபை இடைத்தேர்தலை எதிர்கொண்டார் லாலு.

இந்நிலையில் லாலுவிற்கு உடல் நலக்குறைவு ஏற்பட்டு, மும்பை மருத்துவமனையில் அவருக்கு இதய அறுவை சிகிச்சை செய்யப்பட்டது. இந்நிலையில், சிகிச்சை பெற்றுவரும் லாலு விரைவில் குணமடைய பிரதமர் மோடி வாழ்த்து தெரிவித்துள்ளார்.

இதுகுறித்து பிரதமர் செய்துள்ள டிவிட்டில் "லாலுஜி விரைவில் குணமடைய வாழ்த்துக்களை தெரிவித்துக்கொள்கிறேன். அவரது ஆரோக்கியத்திற்காக நான் வேண்டிக்கொள்கிறேன்" என்று தெரிவித்துள்ளார்.

English summary

Prime Minister Narendra Modi Wednesday wished speedy recovery to RJD chief Lalu Prasad, who is admitted to a Mumbai hospital for treatment. "Wishing a speedy recovery to Lalu (ji) and praying for his good health," Modi said in a tweet.