தேர்தல் செலவு ரூ3500” கோடியாம் –சொல்கிறது தேர்தல் கமிஷன்
டெல்லி: லோக்சபா தேர்தல் செலவு ரூபாய் 3500 கோடியை தொடும் என்று தேர்தல் கமிஷன் தெரிவித்துள்ளது.
நடப்பு லோக்சபா தேர்தலில் வாக்காளர்களின் ஜனநாயகக் கடமையை செய்ய விழிப்புணர்வு ஏற்படுத்தும் வகையில் ஏராளமான விளம்பரங்கள் வெளிவந்திருந்தன.
இதனை அடிப்படையாக கொண்டும், கடந்த 5 ஆண்டுகளில் விண்ணை தொடும் விலைவாசிகளின் அடிப்படையிலும் பார்த்தால் இந்த ஆண்டின் லோக்சபா தேர்தல் செலவு 3 ஆயிரம் கோடியில் இருந்து 3 ஆயிரத்து 500 கோடி வரை போகலாம் என்கிறது தேர்தல் ஆணையம்.
புதிய ஓட்டுபதிவு இயந்திரங்களை வாங்குவது, பழைய இயந்திரங்களை பராமரிப்பது, காகிதம் மற்றும் அச்சு செலவு, அனைத்து வகையிலான விளம்பரச் செலவினங்கள், தேர்தல் அதிகாரிகள் மற்றும் அலுவலர்களுக்கான பயிற்சி வகுப்புகள் மற்றும் வாக்குச்சாவடி பணிக்கான படி ஆகிய செலவினங்கள் இந்த வகை செலவினங்களிலேயே வந்துவிடுகிறது. போலீஸ் பாதுகாப்பு தொடர்பான செலவினங்களை அந்தந்த மாநில அரசுகளே ஏற்றுக் கொள்கிறது.
அடுத்து வரும் லோக்சபா தேர்தல் செலவு இதைப் போல இரட்டிப்பானாலும் ஆச்சரியப்படுவதற்கில்லை.
இதுவரையிலான லோக்சபா தேர்தல் செலவுகள்:
முதல் லோக்சபா தேர்தல் (1952)- ரூ10 கோடியே 45 லட்சம்.
2வது லோக்சபா தேர்தல் (1957) - ரூ 5 கோடியே 90 லட்சம்
3வது லோக்சபா தேர்தல் (1962) - ரூ 7 கோடியே 32 லட்சம்
4வது லோக்சபா தேர்தல் (1967) - ரூ10 கோடியே 79 லட்சத்து 69 ஆயிரம்
5வது லோக்சபா தேர்தல் (1971) - ரூ 11 கோடியே 60 லட்சத்து 87 ஆயிரத்து 450.
6வது லோக்சபா தேர்தல் (1977) - ரூ 23 கோடியே 3 லட்சத்து 68 ஆயிரம்
7வது லோக்சபா தேர்தல் (1980) - ரூ 54 கோடியே 77 லட்சத்து 39 ஆயிரம்
8வது லோக்சபா தேர்தல் (1984) - ரூ 81 கோடியே 51 லட்சத்து 34 ஆயிரம்.
9வது லோக்சபா தேர்தல் (1989) - ரூ 154 கோடியே 22 லட்சம்.
10வது லோக்சபா தேர்தல் (1991) - ரூ 359 கோடியே 10 லட்சத்து 24 ஆயிரத்து 679.
11வது லோக்சபா தேர்தல் (1996) - ரூ 597 கோடியே 34 லட்சத்து 41 ஆயிரம்
12வது லோக்சபா தேர்தல் (1998) - ரூ 666 கோடியே 22 லட்சத்து 16 ஆயிரம்
13வது லோக்சபா தேர்தல் (1999) - ரூ 880 கோடி
14வது லோக்சபா தேர்தல் (2004) - ரூ 1,300 கோடி
15வது லோக்சபா தேர்தல் (2009) - ரூ 1, 400 கோடி