ஆண்டி நேஷனல்.. ஸ்பின்ட்ரல்லா.. ஸ்மிருதி இரானியை தொடர்ந்து சீண்டும் டெலிகிராப்

By Veera Kumar

Updated: Monday, April 6, 2020, 11:24 [IST]

Subscribe to Oneindia Tamil

கொல்கத்தா: மத்திய அமைச்சர் ஸ்மிருதி இரானியிடமிருந்து, மனித வள மேம்பாட்டு அமைச்சரக துறை பறிக்கப்பட்டு, ஜவுளித்துறை அமைச்சக பொறுப்பு வழங்கப்பட்டுள்ள நிலையில், டெலிகிராப் நாளிதழ், அதை 'ஸ்பின்ட்ரெல்லா' என வர்ணித்து முதல் பக்க செய்தி போட்டுள்ளது.

டெல்லி ஜவகர்லால் நேரு பல்கலைக்கழக மாணவர்கள் பிரச்சினையின்போது, தேசத்துக்கு எதிரானவர்களாக போராட்டம் நடத்திய மாணவர்களை இரானி சித்தரித்தார். அப்போது, 'ஆண்டிநேஷனல்' என்ற வார்த்தையை பயன்படுத்தி இரானியை கேலி செய்யும் வகையில் முதல்பக்க செய்தி வெளியிட்டது டெலிகிராப்.

ஆன்ட்டி நேஷனல் அதாவது தேசத்துக்கு எதிரானோர் என்று அவர் பயன்படுத்திய வார்த்தையை, நடுத்தர வயது பெண்மணி என்பதை குறிக்கும் வகையில் ஆண்டி என பயன்படுத்தியது டெலிகிராப்.

தற்போது, நூல் நூற்கும் தேவதை என்ற அர்த்தத்தில் ஸ்பின்ட்ரெல்லா என்ற வார்த்தையை போட்டு இரானியை மீண்டும் வம்புக்கு இழுத்துள்ளது டெலிகிராப். சின்ட்ரல்லா என்ற தேவதை கதை மக்கள் மத்தியில் பிரபலமாக உள்ளது குறிப்பிடத்தக்கது.