திருப்பதியில் சாமி தரிசனம் செய்த ஜனதாபதி ராம்நாத் கோவிந்த் வீடியோ

ஆந்திராவிற்கு சுற்றுப்பயணமாக வந்துள்ள குடியரசுத் தலைவர் ராம்நாத் கோவிந்த் திருப்பதி கோவிலில் சாமி தரிசனம் செய்தார்.

விசாகப்பட்டினம் : குடியரசுத் தலைவர் ராம்நாம் கோவிந்த் திருப்பதியில் சாமி தரிசனம் செய்தார்.

குடியரசு தலைவர் ராம்நாத் கோவிந்த் ஆந்திரப்பிரதேச மாநிலத்தில் உள்ள திருப்பதிக்கு வருகை தந்திருந்தார். திருப்பதி வந்த குடியரசு தலைவரை முதல்வர் சந்திரபாபு நாயுடு வரவேற்றார். அதன்பின்னர், திருப்பதியில் உள்ள அரசு மாளிகையில் ராம்நாத் கோவிந்துக்கு முதல்வர் சந்திரபாபு நாயுடு விருந்தளித்தார்.

குடியரசு தலைவர் ராம்நாத் கோவிந்த் அதிகாலையில் திருப்பதியில் சாமி தரிசனம் செய்தார். முன்னதாக, திருப்பதி கோயிலுக்கு வந்த ராம்நாத் கோவிந்த் குடும்பத்தினருக்கு கோயில் நிர்வாகம் சார்பில் மரியாதை செய்யப்பட்டது. வேத விற்பன்னர்கள் மந்திரங்கள் முழங்க புனித நீர் வழங்கி, பட்டு சால்வை போர்த்தினர். லட்டு உள்ளிட்ட பிரசாதங்கள் வழங்கப்பட்டன. திருப்பதி கோயிலில் ராம்நாத் கோவிந்த் குடும்பத்தினர் சுமார் அரை மணி நேரம் சாமி தரிசனம் செய்தனர்.

English summary

President Ramnath Govinfh took prayers at Thirupathy temple and warm welcome given to him video.