கருணாநிதி பிறந்தநாள்.. பிரணாப், ஹமீத் அன்சாரி வாழ்த்து
டெல்லி: திமுக தலைவர் கருணாநிதிக்கு குடியரசு தலைவர் பிரணாப் முகர்ஜி மற்றும் துணை குடியரசு துணைத் தலைவர் ஹமீத் அன்சாரி ஆகியோர் பிறந்த நாள் வாழ்த்து தெரிவித்துள்ளனர்.
தி.மு.க. தலைவர் கருணாநிதியின் சட்டசபை வைரவிழா மற்றும் அவரது 94-வது பிறந்த நாள் விழா சென்னை ராயப்பேட்டை ஒய்.எம்.சி.ஏ. மைதானத்தில் நாளை மாலை 5 மணிக்கு நடக்கிறது.
விழாவுக்கு தி.மு.க. பொதுச்செயலாளர் க.அன்பழகன் தலைமை தாங்குகிறார். செயல் தலைவர் மு.க.ஸ்டாலின் முன்னிலை வகிக்கிறார். முதன்மை செயலாளர் துரைமுருகன் வரவேற்கிறார். விழாவில் காங்கிரஸ் துணை தலைவர் ராகுல்காந்தி, பீகார் முதல்வர் நிதிஷ்குமார், புதுச்சேரி முதல்வர் நாராயணசாமி உள்ளிட்ட தலைவர்கள் கலந்துகொள்ள உள்ளனர்.
கருணாநிதி பிறந்தநாளை முன்னிட்டு பல்வேறு அரசியல் கட்சித் தலைவர் வாழ்த்து தெரிவித்து வருகின்றனர். அந்த வகையில் கருணாநிதிக்கு குடியரசு தலைவர் பிரணாப் முகர்ஜி மற்றும் குடியரசு துணைத் தலைவர் ஹமீத் அன்சாரி ஆகியோர் பிறந்தநாள் வாழ்த்து தெரிவித்துள்ளனர்.
குடியரசு தலைவர் பிரணாப் முகர்ஜி வெளியிட்டுள்ள வாழ்த்து செய்தியில், " திமுக தலைவர் கருணாநிதி மகிழ்ச்சியான, ஆரோக்கியமான வாழ்வை பெற இறைவன் அவருக்கு அருளட்டும் " என்று கூறியுள்ளார்.
மேலும் குடியரசு துணைத் தலைவர் ஹமீத் அன்சாரி வெளியிட்டுள்ள வாழ்த்துச் செய்தியில், " கருணாநிதி உடல்நலத்துடன் நீண்டகாலம் சேவை செய்ய இறைவனிடம் பிரார்த்திக்கிறேன்" என்று தெரிவித்துள்ளார்.
Click it and Unblock the Notifications
Sign in with Google