சும்மாவே பிக் பாஸுன்னா சர்ச்சையா கிடக்கும், இதுல ராதே மா வேறயா?

மும்பை: சல்மான் கான் நடத்தும் பிக் பாஸ் 10 ரியாலிட்டி நிகழ்ச்சியில் சர்ச்சைக்குரிய பெண் சாமியார் ராதே மா கலந்துகொள்ளப் போகிறார் என்று கூறப்படுகிறது.

பாலிவுட் நடிகர் சல்மான் கான் பிக் பஸ் ரியாலிட்டி ஷோவை நடத்தி வருகிறார். அந்த ஷோவின் 10வது சீசன் அடுத்த மாதம் துவங்க உள்ளது. பிக் பாஸ் என்றால் சர்ச்சை, கசமுசா இல்லாமலா கண்டிப்பாக உண்டு என்று சொல்லும் அளவுக்கு இருக்கும் நிகழ்ச்சி.

இந்நிலையில் இந்த சீசனில் பிரபல பெண் சாமியார் ராதே மா கலந்துகொள்ளப் போவதாக கூறப்படுகிறது.

ராதே மா

மினி ஸ்கர்ட் அதாங்க குட்டைப் பாவாடை அணிந்து ராதே மா போஸ் கொடுத்த புகைப்படம் சமூக வலைதளங்களில் தீயாக பரவி பெரும் சர்ச்சையை ஏற்படுத்தியது. அந்த ராதே மாவை தான் பிக் பாஸுக்கு அழைத்துள்ளார்களாம்.

பாலியல் புகார்

பிக் பஸ் நிகழ்ச்சியில் பங்கேற்ற நடிகை டாலி பிந்த்ரா ராதே மா மீது பாலியல் புகாரே தெரிவித்தார். ராதே மா பிக் பாஸ் நிகழ்ச்சியில் பங்கேற்பது குறித்து அதிகாரப்பூர்வமாக அறிவிப்பு இன்னும் வெளியிடப்படவில்லை.

கடந்த ஆண்டும்

ராதே மா பிக் பாஸ் நிகழ்ச்சியில் கலந்து கொள்கிறார் என்று கடந்த ஆண்டும் கூறப்பட்டது. இதை ராதே மா தனது ஃபேஸ்புக் பக்கத்தில் மறுத்தார். இதற்கிடையே ராதே மாவின் பெயருக்கு களங்கம் விளைவிப்பதாகக் கூறி அவரது ஆதரவாளர்கள் பிக் பாஸ் நிகழ்ச்சி தயாரிப்பாளர்களுக்கு வக்கீல் நோட்டீஸ் அனுப்பினர் என்பது குறிப்பிடத்தக்கது.

ராகுல் ராஜ் சிங்

பாலிகா வது தொலைக்காட்சி தொடர் மூலம் பிரபலமான நடிகை பிரதியுஷா பானர்ஜி தற்கொலை செய்து கொண்டார். அந்த வழக்கின் முக்கிய குற்றவாளியாக கருதப்படும் பிரதியுஷாவின் காதலர் ராகுல் ராஜ் சிங்கும் பிக் பாஸ் நிகழ்ச்சியில் கலந்து கொள்கிறாராம்.

English summary

Controversial god-woman Radhe Maa may participate in Big Boss 10 reality show hosted by Salman Khan.