வாரிசு அரசியலை ஒழிப்பதாக கூறும் மோடி அமைச்சரவையில் 20 வாரிசுகள்.. ராகுல் காந்தி கையில் லிஸ்ட்
லக்னோ: என்டிஏ கூட்டணி பெரும்பான்மை பெற்று, நரேந்திர மோடி மீண்டும் பிரதமராக பதவியேற்றிருக்கிறார். இந்நிலையில் மத்திய அமைச்சரவை 20 வாரிசுகளுக்கு வாய்ப்பு அளிக்கப்பட்டுள்ளதாக ராகுல் காந்தி விமர்சித்துள்ளார்.
லோக்சபா தேர்தலில் பாஜகவுக்கு தனிப்பெரும்பான்மை கிடைக்கவில்லை. இருப்பினும், என்டிஏ கூட்டணிக்கு பெரும்பான்மை கிடைத்திருக்கிறது. எனவே, ஆதரவு எம்பிக்களின் பட்டியலை கொடுத்து ஆட்சியமைக்க நரேந்திர மோடி, குடியரசுத் தலைவர் திரௌபதி முர்முவிடம் உரிமை கோரினார். குடியரசுத் தலைவரும் ஆட்சி அமைக்க அழைப்பு விடுத்ததையடுத்து நிலையில், ஜூன் 9ம் தேதி மாலை நரேந்திர மோடி பிரதமராக பதவியேற்றார். அவருடன் 72 எம்பிக்கள் மத்திய அமைச்சர்களாக பதவியேற்றனர்.
இருப்பினும் பாஜகவுக்கு தனிப்பெரும்பான்மை கிடைக்காததால் பாஜக மீது கடும் விமர்சனங்கள் எழுந்திருக்கின்றன. குறிப்பாக மோடியின் அமைச்சரவையில் 20 வாரிகளுக்கு வாய்ப்பு அளிக்கப்பட்டுள்ளதாக ராகுல் காந்தி விமர்சித்துள்ளார்.
அதாவது "போராட்டம், சேவை, தியாகம்தான் எங்கள் மரபு என்று சொல்லிக்கொள்பவர்கள் வாரிசுகளுக்கு பதவி கொடுத்துள்ளனர். அவரின் பேச்சுக்கும், செயல்பாடுகளுக்கும் உள்ள வித்தியாசத்துக்கு என்ன பதில் சொல்ல போகிறார்?" என்று x தளத்தில் கேள்வியெழுப்பியுள்ளார். மேலும்,
- எச்.டி. குமாரசாமி, முன்னாள் பிரதமர் தேவெ கெளடாவின் மகன்
- ஜெய்ந்த் செளதரி, முன்னாள் பிரதமர் செளத்ரி சரண் சிங்கின் மகன்
- ராம்நாத் தாக்குர், முன்னாள் பிகார் முதல்வர் கர்பூரி தாக்குர் மகன் ராவ்
- இந்திர்ஜித் சிங், முன்னாள் ஹரியாணா முதல்வர் ராவ் பிரேந்திர சிங் மகன்
- ராவ்நீத் சிங் பிட்டு, முன்னாள் பஞ்சாப் முதல்வர் பீண்ட் சிங் பேரன்
- சிரஜ் பஸ்வான், முன்னாள் மத்திய அமைச்சர் ராம் விலாஸ் பஸ்வான் மகன்
- ஜோதிராதித்ய சிந்தியா, முன்னாள் மத்திய அமைச்சர் மாதவ் ராவ் சிந்தியாவின் மகன்
- ராம் மோகன் நாயுடு, முன்னாள் மத்திய அமைச்சர் யெரன் நாயுடு மகன்
- பியூஸ் கோயல், முன்னாள் மத்திய அமைச்சர் வேத் பிரகாஷ் கோயல் மகன்
- தர்மேந்திர பிரதான், முன்னாள் மத்திய அமைச்சர் தேவேந்திர பிரதான் மகன்
- ஜெ.பி.நட்டா, முன்னாள் ம.பி. அமைச்சர் ஜெயஸ்ரீ பானர்ஜி மருமகன்
- ஜிதின் பிரசாதா, முன்னாள் எம்பி ஜித்தேந்திர பிரசாத் மகன்
- கீர்த்தி வர்தன் சிங், முன்னாள் உபி அமைச்சர் மஹாராஜ் ஆனந்த் சிங் மகன்
- அனுப்ரியா படேல், பகுஜன் சமாஜ் கட்சியின் நிறுவனர் சோனேலால் படேல் மகள்
- கிரண் ரிஜிஜு, முன்னாள் அருணாச்சல் பேரவைத் தலைவர் ரின்சின் காருவின் மகன்
- ரக்ஷா காட்ஸே, முன்னாள் மகாராஷ்டிர அமைச்சர் ஏக்நாத் காட்சேவின் மருமகள்
- கமலேஷ் பஸ்வான், முன்னாள் எம்பி வேட்பாளர் ஓம் பிரகாஷ் பஸ்வான் மகன்
- சாந்தனு தாக்குர், முன்னாள் மேற்கு வங்க அமைச்சர் மஞ்சுள் கிருஷ்ணா தாக்குர் மகன்
- விரேந்திர குமார், முன்னாள் மபி அமைச்சர் கெளரிசங்கர் சகோதரர்
- அன்னபூர்ணா தேவி, முன்னாள் பிகார் எம்எல்ஏ ரமேஷ் பிரசாத் யாதவ் மனைவி
என எம்பிக்களின் பட்டியலையும் ராகுல் காந்தி பகிர்ந்திருக்கிறார்.
Click it and Unblock the Notifications
Sign in with Google