காங்கிரஸில் சிறந்த பிரதமர் வேட்பாளர் ராகுல்தான்.. இந்தியா டுடே - கார்வி இன்சைட்ஸ் சர்வே
காங்கிரஸ் கட்சியில் சிறந்த பிரதமர் வேட்பாளர் ராகுல் காந்திதான் என்று இந்தியா டுடே - கார்வி இன்சைட்ஸ் நடத்திய சர்வேயில் தெரிவிக்கப்பட்டுள்ளது.
டெல்லி: காங்கிரஸ் கட்சியில் சிறந்த பிரதமர் வேட்பாளர் காங்கிரஸ் தலைவர் ராகுல் காந்திதான் என்று இந்தியா டுடே - கார்வி இன்சைட்ஸ் நடத்திய சர்வேயில் தெரிவிக்கப்பட்டுள்ளது.
இந்தியா டுடே - கார்வி இன்சைட்ஸ் அமைப்பு இணைந்து இந்தியா முழுக்க சர்வே நடத்தியது. லோக் சபா தேர்தலை முன்னிட்டு இந்த கணிப்பு நடத்தப்பட்டது .
பல முக்கியமான விஷயங்கள் குறித்து இதில் மக்களிடம் கேள்வி கேட்கப்பட்டது. இந்த சர்வே முடிவுகள் தற்போது வெளியாகி உள்ளது.
இதில் காங்கிரஸ் கட்சியில் பிரதமராக தகுதியானவர் யார் என்று கேள்வி கேட்கப்பட்டது. இதில் மக்கள் ராகுல் காந்தியே காங்கிரஸ் கட்சியில் சிறந்த பிரதமர் வேட்பாளர் என்று தெரிவித்துள்ளனர்.
ராகுல் காந்திக்கு 52 சதவிகித மக்கள் ஆதரவு அளிக்கிறார்கள். பிரியங்கா காந்திக்கு 7 சதவிகித ஆதரவு அளிக்கிறார்கள்.
தமிழகத்தை சேர்ந்த காங்கிரஸ் தலைவர் ப.சிதம்பரத்திற்கு 6 சதவிகித மக்கள் ஆதரவு அளிக்கிறார்கள். காங்கிரஸ் எம்பி ஜோதிராதித்யா ஷிண்டே 3 சதவிகித ஆதரவை பெற்றுள்ளார்.
அடுத்த இடத்தில் காங்கிரஸ் கட்சியை சேர்ந்த கமல்நாத் 2 சதவிகிதத்துடன் உள்ளார். அதேபோல் சச்சின் பைலட்டிற்கு 2 சதவிகித ஆதரவு உள்ளது.
Click it and Unblock the Notifications
Sign in with Google