பாட்டிக்கு உடம்பு சரியில்லை.. அமெரிக்காவுக்குப் பறந்தார் ராகுல் காந்தி

By Siva

Updated: Wednesday, September 23, 2015, 10:53 [IST]

Subscribe to Oneindia Tamil

டெல்லி: காங்கிரஸ் துணை தலைவர் ராகுல் காந்தி உடல்நலம் சரியில்லாத தனது பாட்டியை பார்க்க அமெரிக்கா கிளம்பிச் சென்றுள்ளார்.

காங்கிரஸ் துணை தலைவர் ராகுல் காந்தி செவ்வாய்க்கிழமை இரவு டெல்லியில் இருந்து விமானம் மூலம் அமெரிக்கா கிளம்பிச் சென்றார். ஐ.நா. பொதுக் கூட்டத்தல் கலந்து கொள்ள பிரதமர் மோடி அமெரிக்கா கிளம்பியுள்ள நிலையில் ராகுல் அமெரிக்கா சென்றுள்ளது பலரின் கவனத்தையும் ஈர்த்துள்ளது.

Rahul Gandhi leaves for US to see his grand mother

இது குறித்து காங்கிரஸ் செய்தித் தொடர்பாளர் ரந்தீப் சுர்ஜேவாலா கூறுகையில்,

ராகுல் காந்தி அமெரிக்காவில் உள்ள அஸ்பெனுக்கு கிளம்பிச் சென்றுள்ளார். அங்கு நடக்கும் மாநாடு ஒன்றில் அவர் கலந்து கொள்கிறார். அரசு மற்றும் தனியார் துறைகளைச் சேர்ந்த உலகத் தலைவர்கள் அந்த மாநாட்டில் கலந்து கொள்கிறார்கள் என்றார்.

ரந்தீப் மாநாடு நடக்கும் தேதி மற்றும் இடத்தை தெரிவிக்கவில்லை. இதற்கிடையே காங்கிரஸார் சிலரோ ராகுல் தனிப்பட்ட விஷயமாக அமெரிக்கா சென்றுள்ளதாக கூறுகிறார்கள். மேலும் சிலர் அவர் உடல்நலம் சரியில்லாத தனது பாட்டியை பார்க்கவே அமெரிக்கா சென்றுள்ளார் என்கிறார்கள்.