ஹிமாச்சலில் பழுதான ஹெலிகாப்டர்.. டக்கென மெக்கானிக் ஆக மாறி பழுதை நீக்கி அசத்திய ராகுல்காந்தி

சிம்லா: ஹிமாச்சல பிரதேசத்தில் பரப்புரை மேற்கொண்ட ராகுல் காந்தி ஹெலிகாப்டரில் ஏற்பட்ட சிறிய பழுதை சரி செய்தார். இந்த புகைப்படம் தற்போது வைரலாகி வருகிறது.

ஹிமாச்சல பிரதேசத்தில் நாளை 3 தொகுதிகளுக்கு நாடாளுமன்றத் தேர்தல் நடைபெறுகிறது. இந்த தேர்தலையொட்டி பிரசாரம் செய்ய ராகுல் காந்தி சென்றிருந்தார்.

அதற்காக பாதுகாப்பு அதிகாரிகளுடன் ஹிமாச்சல பிரதேசத்தின் உனா பகுதிக்கு சென்று கொண்டிருந்தார். அப்போது ராகுல் காந்தியின் ஹெலிகாப்டரில் சிறிய பழுது ஏற்பட்டது.

இதையடுத்து ராகுல்காந்தியும் களத்தில் இறங்கினார். பாதுகாப்பு குழுவினருடன் இணைந்து ராகுல் காந்தியும் பழுதை நீக்கினார். அந்த புகைப்படத்தை இன்ஸ்டாகிராம் பக்கத்தில் ராகுல் காந்தி பதிவிட்டுள்ளார்.

இதுகுறித்து அவர் அந்த பதிவில் கூறுகையில் சிறிய பழுதுதான். அனைவரும் கூட்டாக இணைந்து முயற்சித்து விரைந்து பழுது நீக்கினோம். அச்சப்படும் அளவுக்கு எந்த சிக்கலும் இல்லை என தெரிவித்துள்ளார்.

View this post on Instagram

Good teamwork means all hands to the deck! We had a problem with our helicopter in Una, HP today, that working together we quickly fixed. Nothing serious thankfully. #Helicopter #Teamwork #Himachal #ElectionCampaign #Election #Indiannationalcongress

A post shared by Rahul Gandhi (@rahulgandhi) on May 10, 2019 at 7:56am PDT

ராகுலின் இந்த செயல் குறித்து அனைவரும் பாராட்டு தெரிவித்துள்ளனர். இதுகுறித்து சமூக வலைதளங்களிலும் வைரலாகி வருகிறது.

ராகுல் காந்தியின் தந்தை ராஜீவ் காந்தி ஒரு பயிற்சி பெற்ற பைலட். அதேபோல அவரது சித்தப்பா சஞ்சய் காந்தியும் ஒரு பைலட் என்பது நினைவிருக்கலாம். அந்த பிளட்டில் வந்தவர் ராகுல் என்பதால் அவருக்கும் ஹெலிகாப்டர் மெக்கானிசம் தெரிந்தது ஆச்சரியமில்லை.

English summary

Rahul Gandhi said in Instagram about he fixs his helipcopter whch got problem in Himachal Pradesh.