ராகுல் பிரசாரம் செய்தால் போதும், நாங்கள் வென்றுவிடுவோம்: அமித் ஷா
Subscribe to Oneindia Tamil
போகாரோ: காங்கிரஸ் துணைத் தலைவர் ராகுல் பிரச்சாரம் செய்யும் இடங்களில் பாஜக நிச்சயம் எளிதாக வெற்றி பெற்று விடும் எனத் தெரிவித்துள்ளார் பாஜக தேசிய தலைவர் அமித் ஷா.
ஜார்கண்ட் சட்டசபை தேர்தலை முன்னிட்டு பொகாரோ மாவட்டத்தில் நடந்த தேர்தல் பிரசார கூட்டத்தில் கலந்து கொண்டு பேசினார் பாஜக தேசிய தலைவர் அமித் ஷா. அப்போது அவர் கூறியதாவது:-
காங்கிரஸ் துணைத்தலைவர் ராகுல், தேர்தல் பிரசாரம் செய்யுமிடமெல்லாம் பாஜக எளிதாக வெற்றி பெறும். கடந்த லோக்சபா தேர்தலில் இது தான் நடந்தது. ஜார்க்கண்ட் தேர்தலிலும் இதுதான் நடக்கும்.
லோக்சபா தேர்தலில் தாய்-மகன் ஆட்சியை அகற்றியது போல, தற்போது மாநிலத்தில் நடக்கும் தந்தை-மகன் ஆட்சியை நீக்க வேண்டும். பா.ஜ.,வை முழு மெஜாரிட்டியுடன் ஆட்சி அமைக்க செய்ய வேண்டும்' என இவ்வாறு அவர் பிரச்சாரம் மேற்கொண்டார்.
Click it and Unblock the Notifications
Sign in with Google