107 வயது பாட்டிக்கு ராகுலை பிடிக்குமாம்.. போன் செய்து பிறந்தநாள் சர்ப்ரைஸ் கொடுத்த ராகுல் காந்தி!

காங்கிரஸ் தலைவர் ராகுல் காந்தி 107 பாட்டி ஒருவருக்கு சர்ப்ரைசாக போன் செய்து பிறந்த நாள் வாழ்த்து தெரிவித்து இருக்கிறார்.

டெல்லி: காங்கிரஸ் தலைவர் ராகுல் காந்தி 107 பாட்டி ஒருவருக்கு சர்ப்ரைசாக போன் செய்து பிறந்த நாள் வாழ்த்து தெரிவித்து இருக்கிறார். அந்த பாட்டியின் வேண்டுகோளுக்கு இணங்க இவர் போன் செய்து உள்ளார்.

இதுமட்டும் இல்லாமல் அவர் அந்த பாட்டிக்கு டிவிட்டரில் வாழ்த்துகள் தெரிவித்துள்ளார். தற்போது அந்த பாட்டியின் பேத்தி இதற்கு நன்றி தெரிவித்து டிவிட் செய்து உள்ளார்.

இந்த டிவிட்டர் விவாதம் தற்போது வைரல் ஆகி இருக்கிறது. ராகுலின் பண்பை அனைவரும் பாராட்டி வருகின்றனர்.

ராகுல் இரண்டாவது இன்னிங்ஸ்

காங்கிரஸ் கட்சியின் தலைவராகி அறிவிக்கப்பட்டதில் இருந்து ராகுல் அரசியலில் இரண்டாவது இன்னிங்ஸை தொடங்கி விட்டார் என்று கூறலாம். அதற்கு முன்பே டிவிட்டரில் அவர் பல மக்களை கவர்ந்துவிட்டார். அவர் போடும் டிவிட்டுக்ள எல்லாம் வைரல் ஆகி வருகிறது. சில நாட்களுக்கு முன் தற்காப்பு கலை ஒன்றை கற்றுக் கொள்வது போல அவர் புகைப்படம் வெளியிட்டார்.

Today my grandmother turned 107. Her one wish. To meet @OfficeOfRG Rahul Gandhi ! I asked her why? She whispers ... He's handsome ! pic.twitter.com/k3wUaSMKfE

— Dipali Sikand (@SikandDipali) December 25, 2017

பாட்டிக்கு பிடிக்கும்

இதனால் இவருக்கு பல ரசிகர்கள் இருக்கிறார்கள். அதில் ''இன்று என் பாட்டிக்கு பிறந்த நாள். அவருக்கு 107 வயது ஆகிறது. அவருடைய ஒரே ஆசை ராகுல் காந்தியை பார்க்க வேண்டும் என்பது மட்டும் தான். ஏன் என்று கேட்டதற்கு, அவர் மிகவும் அழகாக இருக்கிறார்'' என்று கூறினார் என தீபாளி சிகாந்த் என்ற பெண் டிவிட் செய்து இருக்கிறார்.

Dear Dipali, Please wish your beautiful grandmother a very happy birthday and a merry Xmas. Please also give her a big hug from me. Best, Rahul. https://t.co/lcp8NUa8Di

— Office of RG (@OfficeOfRG) December 25, 2017

வாழ்த்து தெரிவித்த ராகுல்

இதற்கு பதில் அளித்த ராகுல் ''அன்புள்ள தீபாளி, உங்கள் அழகான பாட்டிக்கு பிறந்த நாள் வாழ்த்து கூறினேன் என்று சொல்லிவிடுங்கள். மேலும் அவருக்கு என் கிறிஸ்துமஸ் வாழ்த்தும் கூறி விடுங்கள். மேலும் அவரை என் சார்பில் கட்டியணைக்கவும்.'' என்றும் குறிப்பிட்டார்.

And as if this was not enough @OfficeOfRG Mr.Gandhi called and personally wished my Nani!! This is #TrueHumaness. Thank you all of you for the blessings for her . Each one of them matter. https://t.co/ftvZ1pmhsJ

— Dipali Sikand (@SikandDipali) December 25, 2017

போன் செய்தார்

இந்த டிவிட்டிற்கு பின் தீபாளி புதிய டிவிட் ஒன்று செய்து இருக்கிறார். அதில் ''டிவிட்டரில் வாழ்த்து சொன்னது போதவில்லை போல. ராகுல் காந்தி போன் செய்து என் பாட்டியை வாழ்த்தி இருக்கிறார். இதுதான் உண்மையான மனித பண்பு. உங்கள் எல்லோருடைய வாழ்த்திற்கும் நன்றி. எல்லோரும் முக்கியம்'' என்று குறிப்பிட்டு இருக்கிறார்.

English summary

Rahul Gandhi wishes to 107 year old woman for her birthday. He called that old woman after her grand child wants Rahul to wish her.