பிரதமராகும் அனைத்து தகுதிகளும் ராகுலுக்கு உள்ளது: லாலு

பாட்னா: பிரதமர் பதவிக்கு தேவையான அனைத்துத் தகுதிகளும் ராகுல் காந்தியிடம் உள்ளது என ராஸ்ட்டிரீய ஜனதா தளம் கட்சியின் தலைவர் லாலு பிரசாத் யாதவ் கருத்து தெரிவித்துள்ளார்.

எதிர்வரும் நாடாளுமன்ற தேர்தலில் காங்கிரஸ் கட்சியுடன் கூட்டணி வைக்க, ராஷ்டிரீய ஜனதா தளம் முயற்சி செய்து வருகிறது.

இந்நிலையில் செய்தியாளர்களிடம் பேசிய லாலு பிரசாத் யாதவ், "எந்த ஒரு தனிப்பட்ட இனத்துக்கு எதிராகவும் வன்முறையை தூண்டும் வகையில் ராகுல் காந்தி செயல்படுவதில்லை. அந்த வகையில் நரேந்திர மோடியை விட, ராகுல் காந்தியே சிறந்தவர். நாட்டின் உயர்ந்த பதவிக்கு தேவையான அனைத்து தகுதிகளும் அவரிடம் உள்ளன.

வருகிற தேர்தலில், பொதுக்கூட்டங்கள் மற்றும் பேரணிகள் மூலம் தேர்தல் பிரசாரத்தில் ஈடுபடுவதற்கு பதிலாக, மக்களின் வீடுகளுக்கே சென்று அவர்களிடம் நேரடியாக வாக்கு சேகரிப்பில் ஈடுபட திட்டமிட்டுள்ளோம்," என்று அவர் தெரிவித்தார்.

English summary

The Rastriya Janatha thalam leader Lalu prasad yadav has said that the congress vice president Rahul gandhi has all the qualifications for prime minister candidate.