பெங்களூரில் மழை தொடருமாம்.. மக்கள் மகிழ்ச்சி

பெங்களூர்: பெங்களூரில் அடுத்த சில நாட்களுக்கு மிதமான மழை பெய்ய வாய்ப்பு உள்ளதாக வானிலை இலாகா தெரிவிக்கிறது.

எப்போதுமே இதமான தட்பவெப்பம் கொண்ட நகரம் பெங்களூர். மார்ச், ஏப்ரல், மே ஆகிய மூன்று மாத காலம் மட்டுமே இங்கு வெயில் சற்று காட்டமாக இருக்கும். அப்போதும் இரவு நேரம் குளுமையானதாகவே காணப்படும்.

நவம்பர் முதல் பிப்ரவரி வரை குளிர் ஆட்டுவது வழக்கம். ஆனால், இவ்வாண்டு அரிதாக நேற்று பெங்களூரில் மழை பெய்தது. வரும் 9ம் தேதி வரை மழைக்கு வாய்ப்புள்ளதாக வானிலை துறையும் தெரிவித்துள்ளது.

மழை காரணமாக, இரவு நேர குளிர் அடுத்த சில நாட்களில் படிப்படியாக குறையும் என்று தெரிவிக்கப்பட்டுள்ளது. இதனால் நகர மக்கள் மகிழ்ச்சியடைந்துள்ளனர். அதிகபட்சமாக, 556.3 மி.மீ மழை நேற்று பெய்துள்ளது. பிப்ரவரியில் வழக்கமான சராசரி மழை 212.8 மி.மீதான்.

English summary

The Post Monsoon rains remained quite heavy for Bengaluru. In fact, during the month of September when Monsoon is on the retreating mode, Bengaluru recorded a whopping 556.3 mm of rain against its monthly average of 212.8 mm.