மூச்சுத் திணறல்.. ராம்விலாஸ் பஸ்வான் தீவிர சிகிச்சை பிரிவில் அனுமதி

லோக் ஜனசக்தி கட்சி தலைவரும்,மத்திய அமைச்சருமான ராம்விலாஸ் பஸ்வான், மூச்சுத் திணறல் காரணமாக மருத்துவமனையில் அனுமதிக்கப்பட்டுள்ளார்.

By Karthikeyan

Updated: Thursday, January 12, 2017, 22:50 [IST]

Subscribe to Oneindia Tamil

பாட்னா: மத்திய உணவு மற்றும் பொது விநியோகத்துறை அமைச்சரான ராம் விலாஸ் பஸ்வான் மூச்சுத் திணறல் காரணமாக தீவிர சிகிச்சை பிரிவில் அனுமதிக்கப்பட்டுள்ளார்

பீகார் மாநிலம், பாட்னாவில் இருந்த மத்திய அமைச்சர் ராம் விலாஸ் பஸ்வானுக்கு இன்று இரவு 8.30 மணிக்கு திடீரென மூச்சுத் திணறல் ஏற்பட்டுள்ளது. இதையடுத்து உடனடியாக அங்குள்ள தனியார் மருத்துவமனையில் சிகிச்சைக்காக அனுமதிக்கப்பட்டார். இந்த தகவலை அவரது இளைய சகோதரரும், அக்கட்சியின் தலைவர்களில் ஒருவருமான பசுபதி குமார் பராஸ் தெரிவித்துள்ளார்.

தீவிர சிகிச்சை பிரிவில் பஸ்வான் அனுமதிக்கப்பட்டுள்ளதாகவும் அவருக்கு மருத்துவர்கள் சிகிச்சை அளித்து வருவதாகவும் தெரிவிக்கப்பட்டுள்ளது. இச்செய்தி அறிந்த அறிந்த லோக் ஜனசக்தி தொண்டர்கள் மருத்துவமனை முன்பு குவிந்துள்ளனர். அவருடன் மருத்துவமனையில் அவரது மனைவி மற்றும் எம்.பி.யும் மகனுமான சிராக் பஸ்வான் ஆகியோர் இருக்கின்றனர்.