என்ன காதல்? யாருடன்?: அனுஷ்காவின் பெயரைக் கேட்டதும் டென்ஷன் ஆன கோஹ்லி

மும்பை: மும்பையில் நடந்த நிகழ்ச்சி ஒன்றில் நடிகை அனுஷ்கா சர்மா பற்றி கேட்டதும் கிரிக்கெட் வீரர் கோஹ்லி டென்ஷனாகிவிட்டார்.

கிரிக்கெட் வீரர் விராட் கோஹ்லியும், அவரது காதலியும், பாலிவுட் நடிகையுமான அனுஷ்கா சர்மாவும் அண்மையில் பிரிந்துவிட்டனர். அதன் பிறகு அனுஷ்காவை சந்திப்பதை தவிர்த்து வருகிறார் கோஹ்லி.

இந்நிலையில் டிஸ்ஸாட் வாட்ச்சின் பிராண்ட் அம்பாசிடராக அவர் நியமிக்கப்பட்டுள்ளார். இதற்கான நிகழ்ச்சியில் கோஹ்லி கலந்து கொண்டார்.

And it is official. I am honored and privileged to be the new brand ambassador of @TISSOT #Grateful pic.twitter.com/mucjusnheL

— Virat Kohli (@imVkohli) February 16, 2016

மகிழ்ச்சி

டிஸ்ஸாட் வாட்ச்சின் பிராண்ட் அம்பாசிடராக நியமிக்கப்பட்டத்தில் பெரு மகிழ்ச்சி அடைவதாக கோஹ்லி தெரிவித்தார்.

பாலிவுட்

விலை உயர்ந்த டிஸ்ஸாட் வாட்ச்சை பாலிவுட்டில் யாருக்கு பரிசளிப்பீர்கள் என்று கேட்டதற்கு கோஹ்லி கூறுகையில், ஏன் பாலிவுட்டில் யாருக்காவது கொடுக்க வேண்டும். என் குடும்பத்தாருக்கு கொடுப்பேன். இந்த கேள்வி எங்கிருந்து வந்தது என்றே தெரியவில்லை. ஏன், கிரிக்கெட் வீரர் யாருக்காவது கூட வாட்ச்சை அளிப்பேன். எதற்காக இங்கு வந்துள்ளோமோ அதை மட்டும் கவனிப்போம் என்றார்.

காதல்

காதல் உறவு பற்றி கேட்டதற்கு கோஹ்லி கூறுகையில், என்ன உறவு? யாருடன்? நான் ஒன்றும் உறவு குறித்து ஆலோசனை வழங்குபவர் அல்ல. போய் அதற்கான நிபுணர்களிடம் கேளுங்கள் என்றார்.

ட்விட்டர்

அனுஷ்காவை பிரிந்த பிறகு கோஹ்லி அவரை ட்விட்டர், இன்ஸ்டாகிராமில் ஃபாலோ செய்வதை நிறுத்திவிட்டார். அனுஷ்கா பற்றி பேச்சே எடுப்பது இல்லை.

English summary

Cricketer Virat Kohli dodged questions on his former girlfriend Anushka Sharma at an event in Mumbai.