அப்பாடா தேர்தல் ஓவர் – ஹாயாக தியேட்டரில் ”பேபி” படம் பார்த்த அரவிந்த் கெஜ்ரிவால்!

டெல்லி: டெல்லியின் சட்டசபை தேர்தல் முடிந்து, ஆரவாரங்களும் ஓய்ந்தபின்னர் அமைதியாக பாலிவுட் படமொன்றை பார்த்துள்ளார் ஆம் ஆத்மியின் தலைவர் அரவிந்த் கெஜ்ரிவால்.

டெல்லியில் சட்டசபை தேர்தல் விறுவிறுப்பான ஓட்டுப்பதிவு முடிந்த பிறகு, தேர்தலுக்கு பிந்தைய கருத்துக்கணிப்புகளில் பெரும்பாலானவை ஆம் ஆத்மிக்கு சாதகமாகவே வந்துள்ளன. இதனால் அக்கட்சியினர் மகிழ்ச்சியில் திளைத்து வருகின்றனர்.

இந்நிலையில், நேற்று வரை காலை 6 மணிக்கே எழுந்து கட்சி விவகாரங்கள், தேர்தல் கூட்டங்கள், பிரச்சாரம் என ஓயாது அங்குமிங்குமாக ஓடிக்கொண்டிருந்த ஆம் ஆத்மி தலைவர் அரவிந்த் கெஜ்ரிவால் படம் பார்த்து தன்னை ரிலாக்ஸ் செய்து கொண்டுள்ளார்.

சற்று டென்ஷனை குறைத்து தேர்தல் முடிவுகளுக்கு தயாராவதற்காக காசியாபாத்தில் உள்ள வேவ் சினிமாவில் லேட்டஸ்ட் பாலிவுட் படமான அக்‌ஷய் குமாரின் "பேபி" படத்தை பார்த்துள்ளார் கெஜ்ரிவால். இதை ஆம் ஆத்மி கட்சியே உறுதி செய்துள்ளது.

English summary

After weeks of gruelling electioneering, Aam Aadmi Party (AAP) Chief Arvind Kejriwal today spent a relaxed day watching a movie and sharing quality time with close family members even as a media jamboree waited outside his Kaushambi residence.