ரிப்பளிக் டிவி ஜன் கி பாத் கருத்துக்கணிப்பு.. கர்நாடக சட்டசபை தேர்தலில் பாஜகவுக்கு வெற்றி வாய்ப்பு!

ரிப்பளிக் டிவியின் ஜன் கி பாத் தேர்தலுக்கு பிந்தைய கருத்துக்கணிப்பின்படி கர்நாடக சட்டசபை தேர்தலில் பாஜகவுக்கு வெற்றி வாய்ப்பு பிரகாசமாக உள்ளது.

பெங்களூரு: ரிப்பளிக் டிவியின் ஜன் கி பாத் தேர்தலுக்கு பிந்தைய கருத்துக்கணிப்பின்படி கர்நாடக சட்டசபை தேர்தலில் பாஜகவுக்கு வெற்றி வாய்ப்பு பிரகாசமாக உள்ளது.

கர்நாடக சட்டசபை தேர்தல் இன்று நடைபெற்றது. மொத்தம் 224 தொகுதிகளை கொண்ட கர்நாடக மாநிலத்தில் 2 தொகுதிகளுக்கு வாக்குப்பதிவு ஒத்திவைக்கப்பட்டுள்ளது.

ஜெயநகர் தொகுதி பாஜ வேட்பாளர் விஜயகுமார் மாரடைப்பால் உயிரிழந்துள்ளார் மற்றும் ஆர்.ஆர்.நகரில் வாக்காளர் அடையாள அட்டை பறிமுதல் செய்ததாலும் இந்த 2 தொகுதிகளில் வாக்குப்பதிவு நடைபெறவில்லை.

வாக்குப்பதிவு நிறைவடைந்த நிலையில் தொலைக்காட்சிகள் தேர்தலுக்கு பிந்தைய கருத்துக்கணிப்பை வெளியிட்டுள்ளன. அதன்படி ரிப்பளிக் டிவியின் ஜன் கி பாத் - தேர்தலுக்கு பிந்தைய கருத்துக்கணிப்பில் பாஜகவுக்கு வெற்றி வாய்ப்பு இருப்பதாக தெரிவித்துள்ளது.

நடந்து முடிந்த சட்டசபை தேர்தலில் பாஜகவுக்கு 95 முதல் 114 தொகுதிகள் கிடைக்கும் என தெரிவிக்கப்பட்டுள்ளது. ஆளும் காங்கிரஸ் கட்சிக்கு 73-82 இடங்கள் தொகுதிகளில் வெற்றி பெறும்.

மதசார்பற்ற ஜனதா தளத்துக்கு 32 - 43 தொகுதிகள் கிடைக்கும். மற்றவர்கள் 2 முதல் 3 இடங்கள் கிடைக்கும் என தெரிவிக்கப்பட்டுள்ளது.

English summary

Republic TV Jan ki baat has released Karnataka assembly election Exit polls. BJP will be winning in Karnataka assembly election. BJP will get 95-114 seats, congress will get 73 -82, JDS will get 32-43 seats and others 2-3 seats.