ஒன்றிற்கு 3 எக்ஸிட் போலை வெளியிட்ட ரிபப்ளிக் டிவி... வெற்றிக் கனி தாமரைக்குத் தான் என கணிப்பு!
குஜராத் தேர்தல் குறித்து ஒன்றிற்கு 3 எக்ஸிட் போல் முடிவுகளை ரிபப்ளிக் டிவி வெளியிட்டுள்ளது. அனைத்து முடிவுகளுமே பாஜக 104 முதல் 115 இடங்கள் வரை வெற்றி பெரும் என்று கூறியுள்ளன.
Recommended Video
மும்பை: குஜராத் சட்டசபையில் எந்த கட்சி வெல்லப்போகிறது என்று 3 எக்ஸிட் போல் முடிவுகளை ரிபப்ளிக் டிவி வெளியிட்டுள்ளது. 3 கருத்துக்கணிப்புகளுமே பாஜகவின் வெற்றி வாய்ப்பை உறுதிபடுத்துகின்றன.
குஜராத் சட்டசபை தேர்தல் முடிவுகள் பிரதமர் நரேந்திர மோடி ஆட்சிக்கான அங்கீகரமாக பார்க்கப்படுகின்றன. பிரதமர் நரேந்திர மோடியின் சொந்த மாநில மக்கள் பாஜகவின் அதிரடி பொருளாதார மாற்றங்களான ஜிஎஸ்டி, பணமதிப்பிழப்பு விவகாரங்களை எப்படி பார்க்கின்றனர் என்ற எதிர்பார்ப்பே குஜராத் தேர்தல் முடிவுகளை அனைவரையும் பார்க்க வைத்துள்ளது.
குஜராத் சட்டசபை தொகுதிகளுக்கான இரண்டு கட்ட தேர்தல்கள் முடிந்துள்ள நிலையில் ரிபப்ளிக் டிவி 3 கருத்துக்கணிப்பு முடிவுகளை வெளியிட்டு அது குறித்து ஆய்வு செய்து வருகிறது. 2012 சட்டசபை தேர்தலில் பாஜக 115 இடங்களிலும், காங்கிரஸ் 61 இடங்களிலும் இதர கட்சிகள் 6 இடங்களிலும் வென்றது.
பாஜகவிற்கே வெற்றி
இந்நிலையில் சி வோட்டர் கருத்துக்கணிப்பில் பாஜக 108 இடங்களில் வெல்லும் என்றும், காங்கிரஸ் கட்சி 74 இடங்களில் வெல்லும் என்றும் கூறியுள்ளது. இதே போன்று ரிபப்ளிக் டிவியின் தொலைக்காட்சி பார்ட்னரான நிர்மான டிவி பாஜக 104 இடங்களிலும் காங்கிரஸ் கட்சி 74 இடங்களிலும் இதர கட்சியினர் 4 இடங்களிலும் வெற்றி பெறுவார்கள் என்று முடிவுகளை வெளியிட்டுள்ளது.
3 கருத்துக்கணிப்பு முடிவுகள்
இதே போன்று ஜன் கி பாத் என்ற மற்றொரு கருத்துக்கணிப்பு முடிவில் 115 இடங்களை பாஜக கைப்பற்றும் என்றும், காங்கிரஸ் கட்சி 65 இடங்களை கைப்பற்றும் என்றும் இதர கட்சிகள் 2 இடங்களை கைப்பற்றும் என்றும் தெரிவித்துள்ளது. இந்த 3 கருத்துக்கணிப்பின் ஒட்டுமொத்த சதவீத அடிப்படையில் எக்ஸிட் போல் முடிவாக பாஜக மொத்தம் 109 இடங்களை கைப்பற்றும் என்று ரிபப்ளிக் டிவி முடிவு வெளியிட்டுள்ளது.
பாஜக ஆட்சியை தக்கவைக்கும்
காங்கிரஸ் கட்சி 71 இடங்களையும், இதர கட்சிகள் 2 இடங்களில் வெற்றி பெறும் என்றும் ரிபப்ளிக் டிவியின் கருத்துக்கணிப்பு முடிவுகள் தெரிவிக்கின்றன. 3 கருத்துக்கணிப்பு முடிவுகளுமே பாஜக ஆட்சி அமைக்கும் என்பதை உறுதிப்படுத்துகின்றன.
காங்கிரஸ்க்கு 10 இடங்களில் அதிக வெற்றி
இதுவரை வெளியாகியுள்ள தேர்தல் கருத்துக்கணிப்பு முடிவுகள் அனைத்துமே குஜராத்தில் 22 ஆண்டு ஆட்சியை பாஜக இந்த முறையும் தக்க வைத்துள்ளதாக கூறுகின்றன. எனினும் காங்கிரஸ் கட்சிக்கான ஆதரவு அதிகரித்துள்ளதன் எதிரொலியாகவே 10 இடங்களில் கூடுதல் வெற்றியை காங்கிரஸ் பெற்றுள்ளதாக தற்போதைய கருத்துக்கணிப்பு முடிவுகள் வெளிக்காட்டுகின்றன.