அப்படியே எல்லா சாமியோட சாதி பெயரையும் சொல்லுங்களேன்.. யோகி ஆதித்யநாத்தை கலாய்க்கும் அகிலேஷ்
Recommended Video
லக்னோ : கடவுள்களின் சாதி பெயர்கள் அனைத்தையும் உத்தரப்பிரதேச முதலமைச்சர் யோகி ஆதித்ய நாத் வெளியிட வேண்டும் என்று சமாஜ்வாதி தலைவர் அகிலேஷ் யாதவ் கூறியுள்ளார்.
ராஜஸ்தான் மாநிலம், ஆல்வார் மாவட்டத்தில் நடைபெற்ற தேர்தல் பிரசாரக் கூட்டம் ஒன்றில் பேசிய உத்தரப் பிரதேச முதல்வர் யோகி ஆதித்யநாத் ஹனுமனை தலித் என்று கூறியிருந்தார். இது பெரும் சர்ச்சையை ஏற்படுத்தியது.
இதுகுறித்து லக்னோவில் செய்தியாளர்களை சந்தித்த சமாஜ்வாதி தலைவர் அகிலேஷ் யாதவிடம் இது குறித்து கேட்கப்பட்டது. அதற்கு பதிலளித்த அவர், சில கடவுள்களின் சாதி பெயர்கள்தான் தெரிய வந்துள்ளன. இதுபோல் அனைத்து கடவுள்களின் சாதி பெயர்களையும் வெளியிட்டால் நன்றாக இருக்கும்.
அப்படி அவர் கூறினால் எனது சாதியை சேர்ந்த கடவுளை நான் வழிபடுவேன். 5 மாநில சட்டப்பேரவைத் தேர்தல் முடிவுகள் ஊக்கமளிக்கும் வகையில் உள்ளது. குறிப்பாக, இந்த தேர்தல் முடிவை அளித்ததற்கு, மத்தியப் பிரதேசம், ராஜஸ்தான், சத்தீஸ்கர் மாநிலங்களின் மக்களுக்கு நன்றி தெரிவித்து கொள்கிறேன்.
5 மாநில சட்டசபை தேர்தலில் சமாஜ்வாதியின் செயல்பாடு நன்றாக இல்லை. மத்தியப் பிரதேசத்தில் ஒரு தொகுதியில் மட்டுமே சமாஜ்வாதி வெற்றி பெற்றுள்ளது என்று அவர் தெரிவித்தார்.