ராம்கோபால் வர்மாவுக்கு முதல்முறையாக அரசியல் பிடித்துள்ளதாம்: அதற்கு காரணம் ஒரு பெண்
ஹைதராபாத்: அஸ்ஸாம் மாநில பாஜக எம்.எல்.ஏ. அங்கூர்லதாவின் அழகை பார்த்து தற்போது தான் முதல் தடவையாக தனக்கு அரசியல் பிடித்துள்ளது என்று இயக்குனர் ராம் கோபால் வர்மா தெரிவித்துள்ளார்.
இயக்குனர் ராம் கோபால் வர்மா அண்மை காலமாக அவரின் படங்களை விட சர்ச்சைகளுக்காக தான் அதிகமாக பேசப்படுகிறார். ஏதாவது விஷயம் பற்றி ட்விட்டரில் கருத்து தெரிவித்து மக்களிடம் வாங்கிக் கட்டிக் கொள்வார்.
தற்போதும் அது தான் நடந்துள்ளது.
|
அங்கூர்லதா
அஸ்ஸாம் மொழிப் படங்களில் நடித்து வந்த அங்கூர்லதா தற்போது பாஜக எம்.எல்.ஏ.வாக உள்ளார். இந்நிலையில் அவர் உடற்பயிற்சி செய்யும் உடையில் இருந்த புகைப்படம் ட்விட்டரில் தீயாக பரவியது.
விளக்கம்
ட்விட்டரில் தீயாக பரவிய அந்த புகைப்படத்தில் இருப்பது நான் இல்லை. ஏதோ தவறு நடந்துள்ளது என்று அங்கூர்லதா விளக்கம் அளித்துள்ளார்.
|
சப்னா வியாஸ்
அந்த புகைப்படத்தில் இருப்பது அங்கூர்லதா இல்லை அது நான் என சப்னா வியாஸ் என்பவர் ட்விட்டரில் தெரிவித்துள்ளார். மேலும் இந்த உண்மையை அனைவருக்கும் தெரிவிக்குமாறும் அவர் கேட்டுக் கொண்டுள்ளார்.
|
ராம்கோபால் வர்மா
ஒரு எம்.எல்.ஏ. இப்படி இருந்தால் நிச்சயம் நல்ல நாள் வந்துவிட்டது. நன்றி அங்கூர்லதாஜி, நன்றி மோடிஜி.. முதல் முறையாக எனக்கு அரசியல் பிடித்துள்ளது என ராம்கோபால் வர்மா ட்வீட்டி சர்ச்சையில் சிக்கியுள்ளார்.
Click it and Unblock the Notifications
Sign in with Google