கம்பு ரொட்டியும் கிச்சடியும்... மோடிக்கு பிடித்த உணவு: 24 மணிநேரமும் வேலைதான்! #HappyBdayPMModi
டெல்லி: பிரதமர் நரேந்திரமோடிக்கு பிடித்து உணவு கம்பு ரொட்டியும் கிச்சடியும் என்றும் தனது வீட்டு சாப்பாட்டுச் செலவுக்கு சொந்த காசையே பயன்படுத்துகிறார்; அரசு பணத்தில் செலவிடுவதில்லை என பிரதமர் அலுவலகம் தெரிவித்துள்ளது. தகவல் அறியும் உரிமை சட்டத்தின் கீழ் கேட்கப்பட்ட கேள்விகளுக்கு பிரதமர் அலுவலகம் இந்த பதிலைத் தந்துள்ளது.
தகவல் அறியும் உரிமை சட்டத்தின் கீழ் கேட்கப்பட்ட கேள்விகளுக்கு பிரதமர் அலுவலகம் அளித்துள்ள பதில்கள் :
கேள்வி: பிரதமருடைய வீட்டுச் சமையலுக்கான செலவை யார் செய்கிறார்கள்?
பதில்: பிரதமரின் வீட்டில் சமையலுக்காக செலவிடப்படுவது அவருடைய சொந்தப் பணமே; அரசு பணம் அல்ல.
கேள்வி: பிரதமருக்கு பிடித்தமான உணவு எது?
பதில்: அவருடைய சமையல்காரர் தயாரிக்கும் கம்பு ரொட்டியும் கிச்சடியும் அவருக்கு மிகவும் பிடிக்கும்.
கேள்வி: மோடி எத்தனை நாள் விடுமுறை எடுத்திருக்கிறார்?
பதில்: பிரதமர் பதவி ஏற்றதிலிருந்து ஒரு நாள் கூட விடுமுறை எடுத்தது இல்லை.
கேள்வி: பிதரமர் எத்தனை மணி நேரம் பணியாற்றுகிறார்?
பதில்: பிரதமர் 24 மணி நேரம் பணியில் இருக்கிறார்.
கேள்வி: பிரதமரின் வீட்டில் உள்ள இன்டர்நெட் இணைப்பின் வேகம் என்ன?
பதில்: 34 Mbps
கேள்வி: பிரதமரின் சமூக வலை தளஙகளை யார் கையாள்கின்றனர்?
பதில்: அவருடைய சொந்த பெயரில் உள்ள சமூக வலைதளங்களை அவரே கையாளுகிறார். பிரதமர் அலுவலகத்தின் பெயரில் உள்ள சமூக வலை தளங்களை பிதரமர் அலுவலகம் கையாளுகிறது.