யு.எஸ். ஷட்டவுன் நீடித்தால் அக். 18ந் தேதியன்று இந்திய ரூபாய் மதிப்பு 68 ஆக சரியும்!

டெல்லி: மருத்துவ காப்பீடு தொடர்பான அமெரிக்க அரசு நிறுவனங்கள் மூடப்பட்டிருக்கும் நிலைமை தொடர்ந்து நீடித்தால் வரும் 18-ந் தேதியன்று ஒரு அமெரிக்க டாலருக்கு இணையான இந்திய ரூபாயின் மதிப்பு 68ஆக சரிவை சந்திக்கும் என்று எச்சரிக்கப்பட்டுள்ளது.

அமெரிக்க அதிபர் ஒபாமாவின் மருத்துவ காப்பீட்டுக்கு எதிர்ப்பு தெரிவித்து பட்ஜெட்டை எதிர்க்கட்சிகள் முடக்கி வைத்தனர். இதனால் அந்நாட்டு அரசு நிறுவனங்கள் பல மூடப்பட்டுள்ளன. சுமார் 10 லட்சம் பேர் ஊதியமின்றி வீட்டில் முடங்கியுள்ளனர்.

தற்போதைய நிலைமை வரும் 18-ந் தேதி வரை தொடர்ந்தால் அமெரிக்க டாலருக்கு நிகரான இந்திய ரூபாயின் மதிப்பு 68ஆக சரியும் என்றும் அமெரிக்க வங்கியின் அறிக்கை ஒன்றில் எச்சரிக்கப்பட்டுள்ளது.

இந்த நிலை குறித்து கருத்து தெரிவித்த கோடக் மகிந்திரா வங்கியின் ஜெயராம், பிரச்சனைக்கு விரைவில் தீர்வு காண வேண்டும். இல்லையெனில் மிக மோசமான பொருளாதார நிலைமை ஏற்படுவது தவிர்க்க முடியாததாகிவிடும் என்றார்.

English summary

The Indian rupee could fall sharply if US lawmakers do not reach a deal to increase the debt ceiling in time, a report by Bank of America Merrill Lynch said on Monday.