சச்சின் ரொம்ப மோசம்.. அதை விட படு மோசம் ரேகா!

டெல்லி: ரசிகர்களால் கிரிக்கெட்டின் கடவுள் என்று போற்றப்படும் சச்சின் டெண்டுல்கர், ராஜ்யசபாவுக்கு வருவதில் மிகவும் ஒழுங்கீனமாக இருக்கிறார். அவரை விட மோசமாக இருக்கிறார் நடிகை ரேகா.

இந்த இருவரும் ராஜ்யசபா எம்.பிக்களாக உள்ளனர். இருவரும் நியமன எம்.பிக்கள். ஆனால் ராஜ்யசபாவுக்கு வருவதும் இல்லை, பேசுவதும் இல்லை. வெட்டியாக மக்களின் வரிப்பணத்தில் சம்பளம் வாங்கிக் கொண்டுள்ளனர்.

இதில் சச்சினாவது பரவாயில்லை. ரேகா சுத்த மோசம் என ராஜ்யசபா ரெக்கார்டுகள் கூறுகின்றன.

ரொம்ப மோசம்

கிரிக்கெட்டில் சச்சின் பயங்கர டெர்ரராக இருந்திருக்கலாம். ஆனால் ராஜ்யசபாவுக்கு வருவதில் அவர் மகா மோசம். மொத்தம் உள்ள 12 நியமன உறுப்பினர்களில் சபைக்கு வருவதில் சச்சின் மோசமாக இருக்கிறார். இந்த வரிசையில் அவருக்கு 2வது இடம் கிடைத்துள்ளது.

வெறும் 6.6 சதவீத வருகைதான்

ராஜ்யசபாவில் சச்சினின் வருகைப் பதிவு என்பது வெறும் 6.6 சதவீதமாகவே உள்ளது. 2017, மார்ச் 31ம் தேதி நிலவரப்படி மொத்தம் நடந்த 348 கூட்டங்களில் 23ல் மட்டுமே சச்சின் பங்கேற்றுள்ளார்.

22 கேள்விகள்

ராஜ்யசபாவில் சச்சின் 22 கேள்விகள் கேட்டுள்ளார். ஆனால் எந்த ஒரு விவாதத்திலும் இவர் கலந்து கொண்டது கிடையாது. 2012ம் ஆண்டு முதல் நியமன உறுப்பினராக இருக்கிறார் சச்சின் டெண்டுல்கர் என்பது குறிப்பிடத்தக்கது.

ரேகா படு மோசம்

மறுபககம் 2012ம் ஆண்டிலிருந்து உறுப்பினராக இருந்து வரும் நடிகை ரேகா படு மோசமாக இருக்கிறார். சச்சினை விட 5 நாட்கள் குறைவாகவே இவர் ராஜ்யசபாவுக்கு வந்துள்ளார். அதாவது 18 நாட்கள்தான் இவர் வந்துள்ளார். இவரது வருகைப் பதிவு 5.17 சதவீதமாக உள்ளது.

ஒரு கேள்வி கூட கேட்டதில்லை

வந்த 18 நாட்களும் சும்மா உட்கார்ந்து வேடிக்கை மட்டுமே பார்த்துள்ளார். ஒரு கேள்வியும் கேட்டதில்லை. எந்த விவாதத்திலும் கலந்து கொண்டதும் இல்லை. எதற்காக வந்தார் என்பதே தெரியவில்லை.

ரூ. 21.19 கோடிக்குப் பரிந்துரை

எம்.பிக்கள் நிதியிலிருந்து சச்சின் ரூ. 21.19 கோடி அளவிலான பணிகளுக்குப் பரிந்துரைத்துள்ளார். அதுவே ரேகா வெறும் ரூ. 9.28 கோடி அளவுக்கே பரிந்துரைத்துள்ளார்.

செலவில் ரேகா நம்பர் 1

அதேசமயம், செலவுக் கணக்கில் ரேகா முதலிடம் பிடிக்கிறார். அதாவது ஒரு நாளைக்கு அவரது செலவு ரூ. 3.6 லட்சமாகும். சச்சின் செலவுக் கணக்கு ஒரு நாளைக்கு ரூ. 2.56 லட்சமாகும்.

English summary

He may have been the master blaster on the cricket pitch but Sachin Tendulkar seems to have failed miserably as far as attendance in Rajya Sabha goes. One of the 12 nominated members of the upper house of the parliament, Tendulkar's attendance is a mere 6.6 per cent making it the second lowest among all members.