நடிகை கரீனா கபூர் ஆன சானியா மிர்சா: அது எப்படி?

மும்பை: டென்னிஸ் வீராங்கனை சானியா மிர்சா பாலிவுட் நடிகை கரீனா கபூரின் வசனத்திற்கு டப்ஷ்மாஷ் வீடியோவில் வாயசைத்துள்ளார்.

டென்னிஸ் விராங்கனை சானியா மிர்சா வெற்றி மேல் வெற்றி பெற்று வருகிறார். அவரது அழகைப் பார்த்து அவரை படங்களில் நடிக்க அழைப்பு விடுத்தனர். ஆனால் அவரோ எனக்கு டென்னிஸ் தான் முக்கியம். அதில் தான் என் கவனம் இருக்கும். என்னால் நடிக்க முடியாது என்று வந்த வாய்ப்புகளை எல்லாம் தட்டிக் கழித்தார்.

இந்நிலையில் தான் அவர் டப்ஷ்மாஷ் வீடியோ ஒன்றை வெளியிட்டுள்ளார். அந்த வீடியோவில் அவர் கபி குஷி கபி கம் இந்தி படத்தில் கரீனா கபூர் பேசிய வசனத்திற்கு வாயசைத்துள்ளார். கபி குஷி கபி கம் படத்தில் கரீனா கபூர் ஓவர் ஆக்டிங் செய்திருப்பார்.

டப்ஷ்மாஷ் வீடியோவில் சானியாவோ அம்சமாக நடித்துள்ளார். முன்பும் கூட அவர் தனது தங்கையுடன் சேர்ந்து ஒரு டப்ஷ்மாஷ் வீடியோவை வெளியிட்டார். ஆனால் அது தற்போது வெளியிட்டுள்ள வீடியோ அளவுக்கு மக்களை கவரவில்லை.

சானியா மிர்சாவுக்கு பாலிவுட்டில் ஏராளமான ரசிகர்கள், ரசிகைகள் உள்ளனர் என்பது குறிப்பிடத்தக்கது.

English summary

Tennis star Sania Mirza does a Kareena Kapoor in her latest Dub smash video.