சுடிதார்ல கூட சின்னம்மா நல்லாதான் இருக்காங்க... என்னா மேக்கப்!!
சசிகலா சிறையில் இருந்து ஷாப்பிங் செல்லும் வீடியோவும் சிறைக்கு திரும்பும் வீடியோவும் வெளியாகி பரபரப்பை ஏற்படுத்தி வருகிறது.
சென்னை: சசிகலா சிறையில் இருந்து ஷாப்பிங் செல்லும் வீடியோவும் சிறைக்கு திரும்பும் வீடியோவும் வெளியாகி பரபரப்பை ஏற்படுத்தி வருகிறது. சிறையில் இருக்கும்போதும் சசிகலா ஃபுல் மேக்கப்பில் இருப்பதும் இந்த வீடியோ மூலம் தெரியவந்துள்ளது.
பெங்களூரு பரப்பன அக்ரஹார சிறையில் அடைக்கப்பட்டுள்ள சசிகலா கைதி என்ற சுவடே தெரியாத அளவுக்கு ராஜ வாழ்க்கை வாழ்ந்து வருகிறார். ஸ்பெஷல் கிட்சனில் தனி சமையல், ஒவ்வொன்றுக்கும் ஒரு ரூம் என பரப்பன அக்ரஹார சிறையை கலக்கி வருகிறார் சசிகலா.
சிறைவாசம் தெரிந்துவிடக் கூடாது என்பதற்காக அவ்வப்போது தனது அண்ணியுடன் சிறை அதிகாரிகளின் காரில் பெங்களூரு நகரை வலம் வந்து ஷாப்பிங் செய்துவிட்டு திரும்பியதும் சிறை சிசிடிவி கேமராக்களில் பதிவாகியுள்ளது.
கெத்துக்காட்டிய சசி
ஜெயலலிதா மரணத்துக்குப் பின் சசிகலா காலர் வைத்த ஜாக்கெட் போட்டு கெத்துக் காட்டினார். மேலும் லிப்ஸ்டிக், சிகைஅலங்காரம், பவுடர் என மேக்கப் போட்டு அடுத்த ஜெயலலிதாவாகவே தன்னைக் காட்டிக்கொண்டார்.
நள்ளிரவிலும் மேக்கப்
இரவு ஒன்றரை மணிக்கு அளித்த பிரஸ்மீட்டிலும் கூட சசிகலாவின் மேக்கப்புக்கு குறைவில்லாமல் இருந்தது. சசிகலாவின் மேக்கப் சமூக வலைதளங்களிலும் விமர்சிக்கப்பட்டது.
சிறையிலும் தொடரும் மேக்கப்
இந்நிலையில் பரப்பன அக்ரஹார சிறையில் அதே மேக்கப்புடன் சுடிதாரில் வலம் வருகிறார் சசிகலா. சிசிடிவி வீடியோவில் கூட அவரது முகம் பளீச்சென தெரியும் அளவுக்கு மேக்கப் போடப்பட்டுள்ளது.
சுடிதாரில் சின்னம்மா..
அவரது இளம்வயது போட்டோக்களை தவிர்த்து தற்போதுதான் சசிகலா சுடிதாரில் இருக்கும் படம் வெளியாகியுள்ளது.. சுடிதாரிலும் சின்னம்மா நல்லாதான் இருக்காங்க போங்க..