அம்மாடியோவ்.. குஜராத்தையே விழுங்கும் அளவுக்கு.. பைபர்ஜாய் கரையை கடக்கும் முன் எடுத்த சேட்டிலைட் படம்

அகமதாபாத்: குஜராத்தின் கட்ச் மாவட்டம் மாண்ட்விக்கும், பாகிஸ்தானின் கராச்சிக்கும் இடையே குஜராத்தின் ஜகாவு துறைமுகம் அருகே கரையைக் கடந்து வரும் பைபர்ஜாய் புயல், கரையைக் கடக்கும் முன்பாக சில மணி நேரங்களுக்கு முன்பாக எடுக்கப்பட்ட செயற்கை கோள் படம் வெளியாகியுள்ளது.

தென்கிழக்கு அரபிக் கடலில் கடந்த 5 ஆம் தேதி உருவான காற்றழுத்த தாழ்வு நிலை வலுவடைந்து புயலாக உருமாறியது. 'பைபர்ஜாய்' என பெயரிடப்பட்ட இந்த புயல் வடக்கு நோக்கி நகர்ந்து கடந்த 11-ந்தேதி அதிதீவிர புயலாக வலுவடைந்தது. மிக தீவிர புயலான இந்த பைபர்ஜாய் புயல் இன்று மாலை 6.30 மணியளவில் கரையைக் கடக்க தொடங்கியது.

புயலானது குஜராத்தின் கட்ச் மாவட்டம் மாண்ட்விக்கும், பாகிஸ்தானின் கராச்சிக்கும் இடையே குஜராத்தின் ஜகாவு துறைமுகம் அருகே கரையைக் கடக்க தொடங்கியுள்ளது. புயல் கரையைக் கடக்க தொடங்கியதில் இருந்து பலத்த காற்று வீசி வருகிறது. புயல் முழுவதுமாக கரையைக் கடக்க நள்ளிரவை தாண்டும் என எதிர்பார்க்கப்படுகிறது. புயலின் மையப்பகுதி கரையை நெருங்கும் போது மணிக்கு 125- 130 கி.மீட்டர் வேகத்தில் காற்று வீசும் என எதிர்பார்க்கப்படுகிறது.

தற்போதே புயல் காற்றினால் பல இடங்களில் மரங்கள் வேரோடு சாய்ந்து கிடக்கின்றன. மழையும் வெளுத்து வாங்கி வருகிறது. அரபிக் கடலில் நீண்ட நாள்கள் நிலை கொண்டிருந்த இந்த புயலாக பைபர்ஜாய் உள்ளது. இந்த புயல் கிட்தடட்ட 10 நாட்கள் மெல்ல மெல்ல நகர்ந்து இன்று மிக தீவிர புயலாக கரையைக் கடந்து வருகிறது. இதனிடையே புயல் கரையைக் கடப்பதற்கு சில மணி நேரங்களுக்கு முன்பாக எடுக்கப்பட்ட செயற்கை கோள் படம் வெளியாகியுள்ளது.

INSAT - செயற்கை கோள் வெளியிட்ட அந்த படத்தில், பைபர்ஜாய் புயலின் சுழல் மற்றும் அதன் காற்று மண்டலம் ஒட்டு மொத்த குஜரத்தையும் உள்ளடக்கும் அளவுக்கு பெரிதாக புயலின் மொத்தபகுதியூம் இருப்பதை காட்டுவதாக உள்ளது. நாட்டிலேயே ஐந்தாவது பெரிய மாநிலம் குஜராத் ஆகும். குஜராத்தை பொறுத்தவரை 196,000 km² பரப்பளவு கொண்டது. செயற்கை கோள் படத்தில் இவ்வளவு பெரிய மாநிலமான குஜரத்தை விட பெரிதாக பைபர்ஜாய் தென்படுகிறது. முன்னதாக நேற்று எடுக்கப்பட்ட படத்தில் இதை விட பெரிதாக பைபர்ஜாய் புயல் இருந்தது.

English summary

A satellite image of Cyclone Piperjai, which is making landfall near Gujarat's Jhakau port between Mandwi in Gujarat's Kutch district and Karachi in Pakistan, has been released a few hours before its landfall.