ரைசிங் ஸ்டார் ராகுல் காந்தி .... மீண்டும் சர்ச்சையில் சத்ருகன் சின்கா

டெல்லி: பீகார் முதல்வராக பதவியேற்கவிருக்கும் நிதிஷ் குமாருக்கு வாழ்த்து தெரிவித்துள்ள பாஜக மூத்தத் தலைவர் சத்ருகன் சிங்கா, காங்கிரஸ் துணைத் தலைவர் ராகுல் காந்தியை 'ரைசிங் ஸ்டார்' என்று புகழாரம் சூட்டி சர்ச்சையில் சிக்கியுள்ளார்.

பீகார் முதல்வராக ஐக்கிய ஜனதா தள கட்சித் தலைவர் நிதிஷ் குமார் இன்று பதவியேற்கிறார். இதையொட்டி பல்வேறு அரசியல் கட்சித் தலைவர்கள் பாட்னாவில் குவிந்துள்ளனர்.

நிதிஷ் குமாரின் பதவியேற்பு விழா பாட்னா நகரின் காந்தி மைதானத்தில் இன்னும் சில நிமிடங்களில் துவங்க உள்ளது. விழாவில் பங்கேற்கும் தலைவர்களுக்கு வாழ்த்து தெரிவித்துள்ள பா.ஜனதா தலைவர்களில் ஒருவரும், பாட்னா சாகிப் தொகுதி எம்.பி.யுமான நடிகர் சத்ருகன் சின்கா, நிதிஷ் குமார் தலைமையிலான மகா கூட்டணி கட்சியின் தலைவர்கள் லாலு பிரசாத் யாதவுக்கும், ராகுல் காந்திக்கும் வாழ்த்து தெரிவித்துள்ளார்.

இதுகுறித்து அவர் தனது டுவிட்டர் பக்கத்தில் குறிப்பிட்டுள்ளதாவது,

" இன்று முதல்வராக பதவியேற்கும் நிதிஷ் குமார் அவர்களுக்கும், கூட்டணிக் கட்சித் தலைவர்களான லாலு பிரசாத் அவர்களுக்கும், ரைசிங் ஸ்டார் ராகுல் காந்தி அவர்களுக்கும், எனது மனமார்ந்த வாழ்த்துக்கள்" என்று குறிப்பிட்டுள்ளார்.

சத்ருகன் சின்கா பீகார் சட்டசபை தேர்தலுக்கு முன்பாக பாரதிய ஜனதா கட்சியையும், பிரதமர் மோடியையும் கடுமையாக விமர்சித்து வந்தார். தேர்தல் முடிந்த பிறகும் கட்சியை அவர் தீவிரமாக தாக்கிப் பேசி வருவது குறிப்பிடத்தக்கது.

English summary

On the accession of Nithish Kumar swearing in ceremony, Sathrugan Sinha praising Rahul Gandhi as Raising star